Ի՞նչ գործոններով է պայմանավորված մազաթափությունն աշնանը

Աշնան գալուստով սովորաբար նկատում ենք մազաթափության աճ, որը սովորաբար անհանգստության լուրջ պատճառ է հանդիսանում: Տարբեր գործոնների պատճառով մազաթափությունն ավելի ընդգծված է աշնանը և այդ պատճառով պետք է ավելի շատ խնամենք մազերը։ Աշնանային մազաթափության պատճառների իմացությունը կարևոր է՝ հասկանալու համար, թե ինչպես վարվել տարվա այս եղանակին նկատվող մազաթափության հետ:

Նորմալ իրավիճակներում օրական միջինը 100-ից 150 մազ է կորչում։ Աշնան սկիզբն իր հետ բերում է տելոգեն էֆլյուվիում, և այդ թիվը օրական ավելանում է 150-300 մազով։ Սա բնականաբար տեղի է ունենում մազերի ֆոլիկուլների կյանքի ցիկլում: Այս ֆոլիկուլները նման են գլխի ներսում գտնվող պարկերի, որոնք պարունակում են մազեր, և իրենց կյանքի ընթացքում անցնում են մի քանի փուլ, որը անընդհատ կրկնվում է նորմալ իրավիճակներում՝ ծնունդ, աճ և կորուստ: Աշնանը մազաթափությունը պայմանավորված է նրանով, որ կլիմայի փոփոխության, ցերեկային ժամերի կրճատման և շրջակա միջավայրի գործոնների պատճառով այս մազերի ֆոլիկուլների մեծ մասը մտնում է տելոգեն փուլ, ինչը հանգեցնում է մազաթափության ավելացման:

Բացի այդ, սթրեսը, որն առաջանում է ամառային արձակուրդներից հետո առօրյային վերադառնալու հետևանքով, բարձրացնում է կորտիզոլի մակարդակը մարմնում՝ առաջացնելով մազաթափություն:

Աշնանային մազաթափությունը սովորաբար չի ուղեկցվում ճաղատության բծերով, քանի որ մազերը անկանոն են թափվում, գլխի վրա առանձին նոսր հատվածներ չեն առաջանում։

Աշնանը մազաթափության մեկ այլ ախտանիշն այն է, որ մազերը դառնում են անառողջ և փխրուն: Սա հիմնականում տեղի է ունենում ամռանը տեղի ունեցող արտաքին ագրեսիվ ազդեցությունների պատճառով, ինչպիսիք են աղը, քլորը կամ արևի երկարատև ազդեցությունը:

Աշնանային մազաթափությունը դեպքերի ճնշող մեծամասնությունում շրջելի է։ Մազաթափությունը տևում է մոտավորապես երեք ամիս, թեև այն կարելի է ավելի շուտ դադարեցնել՝ մազերի խնամքի որոշ պրոցեդուրաներով:

Մազաթափության խնդրից ձերբազատվելու լավագույնը տարբերակը կարող է տրվել բժշկական հետազոտության արդյունքում: Առավել հաճախ կիրառվում են թրոմբոցիտներով հարուստ պլազմա և մազերի մեզոթերապիա։

Թրոմբոցիտներով հարուստ պլազման կամ PRP-ն պրոցեդուրա է, որը դադարեցնում է մազաթափությունը և խթանում մազերի աճը՝ օգտագործելով հիվանդի սեփական արյունից ստացված հարստացված պլազման: Մազերի մեզոթերապիան վիտամինների և հարմարեցված դեղամիջոցների ենթամաշկային ներթափանցում է, որով բուժվում է մազաթափությունը:

Չնայած տարածված կարծիքին, թե ամեն օր մազերը լվանալը լավ չէ, ճշմարտությունն այն է, որ պետք է լվանանք մազերը այնքան հաճախ, որքան պահանջվում է, փոխանցում է Aysor.am-ը։