Բելինգեմի դուբլը հաղթանակ բերեց «Ռեալ»-ին «Էլ Կլասիկո»-ում

Իսպանիայի ֆուտբոլի առաջնության 11-րդ տուրում կայացավ տուրի ամենասպասված խաղը` «Էլ Կլասիկո»-ն` «Բարսելոնա»-«Ռեալ»:

«Արմենպրես»-ի հաղորդմամբ` Բարսելոնայի օլիմպիական մարզադաշտում կայացած խաղի մեկնարկից 6 րոպե անց` «Բարսելոնա»-ն բացեց հանդիպման հաշիվը: Կատալոնական ակումբի կազմում պաշտոնական խաղերում իր առաջին գնդակը խփեց Գյունդոգանը: Առաջին կեսում «Ռեալ»-ին չհաջողվեց փոխել իրավիճակը:

Երկրորդ կեսի 68-րդ րոպեին Բելինգեմը հեռահար դիպուկ հարվածով վերականգնեց հաշվի հավասարությունը: Իսկ խաղավարտին մոտ Բելինգեմը դարձավ դուբլի հեղինակ` հաղթանակ բերելով «արքայական ակումբ»-ին:

«Բարսելոնա»-«Ռեալ»`1:2:

Այս տուրից հետո «Ռեալ»-ը 28 միավորով 1-ին է, իսկ «Բարսելոնա»-ն ունի 24 միավոր և երրրորդ տեղում է: