Լավրովն ու Բայրամովը քննարկել են ՀՀ-Ադրբեջան խաղաղության պայմանագրի նախապատրաստումը
![](/timthumb.php?src=disc/28-10-23/35ad4501625625496f5bfa6ee013e37a.jpg&w=450)
Տեղի է ունեցել ՌԴ ԱԳ նախարար Սերգեյ Լավրովի և Ադրբեջանի ԱԳ նախարար Ջեյհուն Բարյամովի հեռախոսազրույցը, հայտնում են ՌԴ ԱԳՆ-ից։
Հաղորդագրության համաձայն՝ կողմերը քննարկել են տարածաշրջանային ու միջազգային արդիական հարցեր։
«Ընդգծվել է 2020-2022 թվականների եռակողմ պայմանավորվածությունների հիման վրա Հայաստանի և Ադրբեջանի միջև հարաբերությունների կարգավորման ուղղությամբ ջանքերն ավելացնելու անհրաժեշտությունը, ներառյալ՝ խաղաղության պայմանագրի նախապատրաստումը, տրանսպորտային հաղորդակցությունների ապաշրջափակումը և հայ-ադրբեջանական սահմանի սահմանազատումը»,- նշված է ՌԴ ԱԳՆ հաղորդագրությունում: