Հակաբիոտիկների հարուցած ալերգիկ ռեակցիաները․ Անաֆիլաքսիայի նշաններ

Հակաբիոտիկների ընդունումը մարդկանց մոտ կարող է առաջացնել տարբեր ալերգիկ դրսևորումներ, ինչպիսիք են՝ ցանը, դեմքի այտուցվածությունը կամ շնչարգելությունը:

Ալերգիան կամ գերզգայունության ռեակցիան հակաբիոտիկների ամենահաճախ հանդիպող կողմնակի ազդեցություն է: Անհրաժեշտ է միշտ տեղեկացրել բժշկին, եթե նախկինում որևէ դեղից, այդ թվում՝ հակաբիոտիկներից գրանցվել է որևէ տիպի ալերգիկ ռեակցիա:

Թեթև ալերգիկ ռեակցիան կարող է դրսևորվել միայն մաշկային ցանով: Ծանր ալերգիկ ռեակցիան, որը հայտնի է որպես անաֆիլաքսիա, սովորաբար զարգանում է հակաբիոտիկն ընդունելուց հետո՝ մոտ մեկ ժամվա ընթացքում և դասվում է անհետաձգելի բուժօգնություն պահանջող վիճակների շարքին:

Անաֆիլաքսիայի ախտանիշներն են՝

դժվարացած կամ աղմկոտ շնչառություն,

լեզվի այտուց,

կոկորդի այտուց և նեղացում,

խոսելու դժվարություններ,

ձայնի խռպոտացում,

խզզոց կամ հազ,

գլխապտույտ կամ գիտակցության կորուստ,

հաճախացած անոթազարկ (տախիկարդիա),

գունատություն և ընդհանուր թուլություն (հատկապես մանկահասակ երեխաների մոտ):

Երբեմն կարող է զարգանալ անաֆիլաքսիայից ավելի քիչ վտանգավոր վիճակ, օրինակ՝

դեմքի, շրթունքների այտուցվածություն,

եղնջացան կամ մաշկային բծեր,

որովայնի ցավ կամ փսխումներ:

Ժամանակակից ուղեցույցներով որպես անաֆիլաքսիայի հասցնող սուր ալերգիկ բուժման առաջին միջոց առաջարկվում է ադրենալինը (Էպինեֆրին):

Հակաբիոտիկներից ալերգիկ ռեակցիաների մեծ մասը պատճառվում է պենիցիլինով կամ պենիցիլինի շարքի դեղերով: Ալերգիկ ռեակցիաներ առաջացնելու հակում ունեն նաև սուլֆոնամիդային խմբի հակաբիոտիկները:

Հակաբիոտիկ ստանալուց հետո առաջացող սրտխառնոցի զգացումը և փսխումը սովորաբար հակաբիոտիկի կողմնակի ազդեցության, քան ալերգիկ ռեակցիայի նշան է: Որևէ հակաբիոտիկ ընդունելուց հետո առաջացող ալերգիկ ռեակցիան հուշում է, որ ալերգոլոգի խորհրդատվության անհրաժեշտություն կա, փոխանցում է Aysor.am-ը։