Իսրայելցի զինվորականները Գազայի հատվածում հիվանդանոցին ուղիղ հարվածի «ոչ մի ապացույց չեն հայտնաբերել»

Իսրայելցի զինվորականները Գազայի հատվածում հիվանդանոցին ուղիղ հարվածի «ոչ մի ապացույց չեն հայտնաբերել», որի հետեւանքով զոհվել են հարյուրավոր պաղեստինցիներ։

ՑԱԽԱԼ-ի ներկայացուցիչը լրագրողներին տեղեկացրել է, որ Ալ-Ահլի ալ-Արաբի հիվանդանոցի շուրջ գտնվող շենքը կառուցվածքային իմաստով չի վնասվել, տեղեկացրել է Reuters-ը։ Նա մեղադրել է ՀԱՄԱՍ-ին «զոհերի թիվն ավելացնելու» մեջ։

Իսրայելի բանակի ներկայացուցիչը քննադատել է նաեւ ԶԼՄ-ներին, մեղադրել նրանց «ՀԱՄԱՍ-ի սուտը տարածելու մեջ» եւ նշել, որ որոշ նյութեր եւ վերնագրեր դեռեւս չեն ուղղվել։ «ՑԱԽԱԼ-ը գործում է միջազգային իրավունքին համապատասխան։ Այս միջադեպը ցույց է տալիս, թե ինչպես են կեղծ եւ չհիմնավորված մեղադրանքները տարածվում եւ լարվածություն հրահրում տարածաշրջանում»,- մեջբերել է The Guardian-ը։

Խոսելով ՑԱԽԱԼ-ի պարզաբանումների հավաստիության մասին՝ լրագրողներից մեկը նշել է, որ «անկեղծ ասած՝ ՑԱԽԱԼ-ը այնքան էլ անբասիր ծառայացանկ չունի հավաստիության հարցում»։

Ի պատասխան՝ ներկայացուցիչն ասել է. «Անցյալում մենք ինքներս շատ ենք շտապել եզրահանգումների հարցում։ Հենց այդ պատճառով էլ այս միջոցառմանը ժամանակ ենք հատկացրել, այն հինգ ժամ է տեւել։ Մենք ցանկացանք ամեն ինչ ստուգել, համոզվել, որ մեզ վստահում են»։

Աղբյուրը