Ռունին հրաժարվել է գլխավորել Սաուդյան Արաբիան ներկայացնող ակումբը

Բիրմինգեմի» նորանշանակ մարզիչ Ուեյն Ռունին հրաժարվել է Սաուդյան Արաբիայի առաջնությունը ներկայացնող ակումբ գլխավորելու հնարավորությունից, հայտնում է Armsport.am-ը՝ հղում անելով L’Equipe-ին։

Աղբյուրի փոխանցմամբ՝ առաջարկը 37-ամյա անգլիացին ստացել է մինչ «Բիրմինգեմը» գլխավորելը։ Անգլիական ակումբը Ռունիի նշանակման մասին հայտարարել էր հոկտեմբերի 11-ին։

Ռունիի նախորդ ակումբը եղել է ամերիկյան «Դի Սի Յունայթեդը», մասնագետը թիմում աշխատել է 2022 թվականի հուլիսից և պաշտոնը լքել 2023 թվականի հոկտեմբերի 8-ին։ Նախկինում նա մարզել է նաև «Դերբի Քաունթին»։