Բացահայտվել է սոցիալական ցանցերի ազդեցությունը հարաբերությունների վրա

Մարդիկ, ովքեր հրապարակումներ չեն անում իրենց զուգընկերների մասին սոցիալական ցանցերում, ավելի հավանական է, որ գոհ լինեն իրենց հարաբերություններից, քան նրանք, ովքեր մանրամասներ են հրապարակում իրենց անձնական կյանքի մասին, ասում է սոցիոլոգ Էլեն Լամոնտը։ Նա Mashable-ին բացահայտել է ինտերնետի ազդեցությունը ռոմանտիկ հարաբերությունների վրա:

Փորձագետը նշել է, որ մարդիկ սովորաբար սոցիալական ցանցերում հրապարակում են իրենց կյանքի ամենաուրախ ու լուսավոր պահերը։ Այնուամենայնիվ, ստեղծված իդեալական պատկերը նման չէ այն ամենին, ինչ կատարվում է իրականում, ինչը, ըստ Լամոնտի, կարող է հիասթափեցնող լինել և ստիպել սոցցանցերի ակտիվ օգտատերերին ավելի քիչ երջանիկ զգալ իրենց հարաբերություններում։

Միաժամանակ, սոցիոլոգը պարզաբանել է, որ անձնական կյանքը գաղտնի պահելը ևս ամուր հարաբերություններ ստեղծելու ունիվերսալ միջոց չէ։ Նա պարզաբանել է, որ սոցիալական ցանցերում համատեղ հրապարակումները և լուսանկարները յուրօրինակ զգացմունքների և մտադրությունների լրջության հաստատումն են։

«Մարդիկ սիրում են պատասխանատվության շոշափելի նշաններ, այդ իսկ պատճառով մենք դեռևս ամուսնական մատանիներ ենք կրում: Գրառումները նաև հարաբերություններում ներդրումների հանրային ազդանշան են»,- ասում է Լամոնտը, փոխանցում է Shantnews-ը։