Անչելոտի․ Բելինգեմից ոչ ոք չէր սպասում այսպիսի արդյունավետություն

Մադրիդի «Ռեալի» իտալացի գլխավոր մարզիչ Կառլո Անչելոտին Իսպանիայի առաջնության 9-րդ տուրում «Օսասունայի» նկատմամբ 4:0 հաշվով հաղթանակից հետո գնահատել է թիմի նորեկ, 20-ամյա անգլիացի կիսապաշտպան Ջուդ Բելինգեմի խաղը։ Նա դարձել էր դուբլի հեղինակ։ Իսպանիայի առաջնությունում Բելինգեմն արդեն խփել է 8 գոլ։

«Բելինգեմն իր խաղաոճի մեջ էր։ Նա գտնում է բազմաթիվ հնարավորություններ գրոհների ժամանակ։ Նա որեւէ խաղային դիրքի կցում չունի, բայց բազմաթիվ խնդիրներ է ստեղծում մրցակցի համար։

Բելինգեմից ոչ ոք չէր սպասում այսպիսի արդյունավետություն գոլերի քանակի տեսանկյունից։ Նրա դեմ շատ բարդ է պաշտպանվել»,- Անչելոտիի խոսքը մեջբերում է AS-ը։

9 խաղից հետո «Ռեալը» 24 միավորով գլխավորում է մրցաշարային աղյուսակը։