Հռոմի պապը հնարավոր է համարել նույնասեռական միությունների օրհնությունը

Հռոմի պապ Ֆրանցիսկոս I-ն հնարավոր է համարել նույնասեռական միություններին օրհնելը իր նոր հրապարակային պատասխանում կարդինալներին, որոնք կասկածի տակ են դնում պապի կողմից Կաթոլիկ եկեղեցում ԼԳԲՏ համայնքի հաստատումը:

Հուլիսին իսպաներեն գրված նամակում նա հաստատել է, որ «եկեղեցին շատ հստակ պատկերացում ունի ամուսնության մասին՝ բացառիկ, կայուն և անխզելի միություն տղամարդու և կնոջ միջև, բնականաբար բաց սերունդ շարունակելու համար», գրում է The Vatican News-ը:

Միևնույն ժամանակ նա հանդես էր գալիս «հովվական բարեգործության» օգտին։

«Օբյեկտիվ ճշմարտության պաշտպանությունը այս բարեգործության միակ դրսեւորումը չէ. այն ներառում է նաև բարություն, համբերություն, հասկացողություն, քնքշություն և աջակցություն: Ուստի մենք չենք կարող լինել միայն հերքող, մերժող ու բացառող դատավորներ»,- նշել է նա։

Պապը հավելել է, որ «հովվական խոհեմությունը պետք է համապատասխան կերպով որոշի, թե արդյոք կան օրհնության ձևեր, որոնք պահանջվում են մեկ կամ մի քանի անձանց կողմից, որոնք չեն փոխանցում ամուսնության մասին սխալ պատկերացումը»: Օգոստոսին Հռոմի Պապ Ֆրանցիսկոսը հորդորել է իր առջև հավաքված հարյուր հազարավորներին բղավել, որ կաթոլիկ եկեղեցին հանդես է գալիս «բոլորի, բոլորի, բոլորի համար»:

Հարցին, թե արդյոք այս «բոլորի համար»-ը ներառում է ԼԳԲՏ համայնքը, նա ասել է, որ թեև Եկեղեցին ունի իր օրենքները, այնուամենայնիվ, այն բոլորի համար է, այդ թվում՝ ԼԳԲՏ համայնքի։

Հռոմի պապը քննադատել է նաև նույնասեռականությունը քրեականացնող օրենքները։