Կանադայի ազգային պարկում գորշ արջի հարձակման հետևանքով ամուսիններ են զոհվել

«Բանֆ» ազգային պարկում գորշ արջը հարձակվել և սպանել է երկու մարդու, հայտնում են կանադական այգու աշխատակիցները։ Հայտնում է Reuters-ը։

Այգին հայտարարություն է տարածել, որ ահազանգ է ստացել GPS սարքից:

Ըստ Bear Safety and More-ի հիմնադիր Քիմ Թիչեների՝ զոհերը կանադացի ամուսիններ էին:

Ավելի ուշ հայտնի է դարձել, որ արջը էվթանազիայի է ենթարկվել այն բանից հետո, երբ դրսևորել է ագրեսիվ վարքագիծ:

Արջերի հարձակումների թիվն աճում է աշնանը, քանի որ ձմեռելուն ընդառաջ նրանք դառնում են ավելի ակտիվ սննդի որոնման հարցում:

«Բանֆ» ազգային պարկում, որն ամեն տարի գրավում է ավելի քան չորս միլիոն զբոսաշրջիկների, բնակվում են ինչպես գորշ, այնպես էլ սև արջեր, փոխանցում է Shantnews-ը։