Ռեալը ջախջախեց Ժիրոնային և գլխավորեց Պրիմերայի մրցաշարային աղյուսակը

Իսպանական Լա լիգայի 8-րդ տուրի խաղում Մադրիդի «Ռեալը» հյուրընկալվելիս մրցել է «Ժիրոնայի» հետ և 3 անպատասխան գնդակ է ուղարկել մրցակցի դարպասը։

Հանդիպման հաշիվը 17-րդ րոպեին բացել է «Ռեալի» հարձակվող Խոսելուն, 4 րոպե անց Չուամենին գլխի հարվածով կրկնապատկել է իր թիմի առավելությունը։

Հանդիպման վերջնահաշիվը ձևակերպել է Ջուդ Բելինգեմը՝ 71-րդ րոպեին հիանալի հարվածով եզրափակելով մադրիդցիների գրոհը։

Կառլո Անչելոտիի թիմը խաղն ավարտել է 10 հոգով։ Հիմնական ժամանակին ավելացված 4-րդ րոպեին Նաչո Ֆերնանդեսն ուղիղ կարմիր քարտով հեռացվել է խաղադաշտից։

Այս հաղթանակի շնորհիվ մադրիդյան թիմը 21 միավորով գլխավորում է Լա Լիգայի մրցաշարային աղյուսակը, իսկ «Ժիրոնան» 19 միավորով երրորդ տեղում է։ Կատալոնական «Բարսելոնան» երկրորդն է՝ 20 միավորով, փոխանցում է Armsport-ը։