ՌԴ ԱԳՆ-ն՝ ՀՀ- Ադրբեջան հաղորդակցության բացման մասին Հայաստանն ու Ադրբեջա

Հայաստանն ու Ադրբեջանը պետք է ունենան ինքնիշխանություն և իրավասություն իրենց ազգային տարածքով անցնող երթուղիների նկատմամբ։ Այս մասին ասել է ԱԳՆ խոսնակ Մարիա Զախարովան՝ մեկնաբանելով տարածաշրջանում հաղորդակցությունների ապաշրջափակումը։

«Հայաստանն ու Ադրբեջանը ճանաչեցին միմյանց տարածքային ամբողջականությունը։ Նրանք իրենց պրակտիկ գործողություններում պետք է առաջնորդվեն այս սկզբունքով։ Այդ մասին կողմերը հայտարարել են», - ասել է Զախարովան։

Նրա խոսքով, հաղորդակցությունների ապաշրջափակման հարցը մանրակրկիտ կերպով քննարկվում է եռակողմ աշխատանքային խմբի միջոցով, որը համանախագահում են Ռուսաստանի, Հայաստանի և Ադրբեջանի փոխվարչապետները։ 

«Նման համաձայնագրերը, որոնք հիմնված են շահերի հավասարակշռության վրա, օգուտ կբերեն ինչպես տարածաշրջանի պետություններին, այնպես էլ նրանց հարևաններին, այդ թվում՝ Ռուսաստանին, Իրանին և Թուրքիային», - ասել է Զախարովան։

Ամբողջական հոդվածը կարող եք կարդալ այս հասցեով՝ : https://hraparak.am/post/454bb5a31c9f966d9fff55cd78535b4f?fbclid=IwAR1t0J25XJ2HfJKdM2j4lBnVwa1G2sf-RKbfFQARseDv0OxeJgJ56VY813g

© 2008 - 2021 «Հրապարակ օրաթերթ»