Հանդերձարանում նա ներողություն խնդրեց․ Գվարդիոլան՝ Ռոդրիի մասին

Պեպ Գվարդիոլան խոսել է «Մանչեսթեր Սիթիի» կիսապաշտպան Ռոդրիի հեռացման մասին։

Պրեմիեր լիգայի 6-րդ տուրում «Սիթին» սեփական հարկի տակ հաղթեց «Նոթինգհեմ Ֆորեսթին» (2:0): Կիսապաշտպան Ռոդրին բռնեց Մորգան Գիբս-Ուայթի կոկորդից և երկրորդ խաղակեսի սկզբում հեռացվեց խաղադաշտից:

«Նա արեց դա, նա ներողություն խնդրեց: Հանդերձարանում ասաց. «Ներողություն»:

Ռոդրին պետք է վերահսկի իր էմոցիաները։ Ես կարող եմ դեղին քարտ ստանալ, իսկ Ռոդրին չի կարող կարմիր քարտ ստանալ։

Ես չեմ խաղում, խաղացողները խաղադաշտում պետք է վերահսկեն իրենց էմոցիաները»,- ասել է «Մանչեսթեր Սիթիի» գլխավոր մարզիչը, փոխանցում է Armsport-ը։