ՌԴ ՊՆ-ն հայտարարությունը՝ Արցախում տիրող իրավիճակի վերաբերյալ

Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում. Բաքվի, Երևանի և Ստեփանակերտի հետ շարունակական փոխգործակցություն է պահպանվում՝ ուղղված արյունահեղության կանխմանը, խաղաղ բնակչության նկատմամբ անվտանգության և մարդասիրական իրավունքի պահպանմանը, ինչպես նաև ռուսական խաղաղապահ զորախմբի անվտանգության ապահովմանը։ Այս մասին հայտնում են ՌԴ ՊՆ-ից։

«Ռուսական խաղաղապահ կոնտինգենտի հրամանատարության միջնորդությամբ հակամարտող կողմերի հետ պայմանավորվածություն է ձեռք բերվել ռազմական գործողությունների ամբողջական դադարեցման վերաբերյալ։ Իրավիճակը վերահսկվում է շուրջօրյա։ 2023 թվականի սեպտեմբերի 20-ին՝ ժամը 13:00-ից, հրադադարի ռեժիմի խախտման դեպք չի արձանագրվել։

Ակտիվ ռազմական գործողությունների սկզբից ռուս խաղաղապահները տարհանել են խաղաղ բնակիչներին Մարտակերտի, Մարտունու և Ասկերանի շրջաններից։ Խաղաղապահ կոնտինգենտին հանձնվել է 3154 մարդ, այդ թվում՝ 1428 երեխա։

Լեռնային Ղարաբաղի բոլոր տարհանված բնակիչներին տրամադրվել են հանգստի վայրեր և տաք սնունդ։ ՌԴ հատուկ նշանակության ուժերի բժշկական ստորաբաժանման զինվորական բժիշկները օգնություն են ցուցաբերել 16 խաղաղ բնակչի։

Սեպտեմբերի 19-ին խաղաղ բնակիչներին ուղեկցելիս գնդակոծության է ենթարկվել ռուս խաղաղապահների շարասյունը։ Հրթիռակոծության արդյունքում խոցվել է ռուսական խաղաղապահ կոնտինգենտի ԲՏՌ-82Ա ինքնաթիռը։ Զոհեր չկան խաղաղ բնակչության և խաղաղապահների շրջանում»,-նշվում է հայտարարության մեջ։