Հայաստանում ԱՄՆ-ի ռազմաուժը խնդիր է. Դմիտրի Ժուրավլև․ Alphanews.am

Alphanews.am-ը գրում է

Տարածաշրջանային խնդիրների ինստիտուտի գլխավոր տնօրեն Դմիտրի Ժուրավլևը Alpha News-ին մեկնաբանել է Ռուսաստանի հնարավոր գործողությունները Արցախ ադրբեջանական հնարավոր ներխուժման դեպքում, ինչպես նաև հայ-ամերիկյան զորավարժությունները Հայաստանում։

«Մեր երկրների հարաբերությունները սկսեցին վատթարանալ, պարոն Փաշինյանի որոշ հայտարարություններ եղան ՀԱՊԿ-ի հետ կապված, բայց ինձ թվում է, որ ռուս խաղաղապահները կկատարեն իրենց պարտականությունը։ Եթե լինի լայնամասշտաբ ներխուժում, ապա Ռուսաստանի կառավարությունը պետք է որոշի՝ արդյոք կռվո՞ւմ է, թե՞ չի կռվում։ Փոքրամասշտաբ իրադարձության դեպքում խաղաղապահները չպետք է թույլ տան, որ ներխուժումը տեղի ունենա: Որովհետև եթե լինի լայնամասշտաբ ներխուժում, ապա ակնհայտորեն այստեղ բավարար խաղաղապահներ չեն լինի»,- ասել է Ժուրավլևը։

Մեկնաբանելով Հայաստանի ղեկավարության գործողությունները՝ փորձագետը նշել է.

«Միանգամայն հնարավոր է, որ հաշվի առնելով ձեր ղեկավարի ոչ այնքան մտածված խոսքերը, Ադրբեջանը պարզապես որոշել է խորացնել մեր երկրների միջև տարաձայնությունները։Եթե ներխուժում լինի Հայաստան, ապա Հայաստանը ստիպված կլինի ՀԱՊԿ-ից համարժեք գործողություններ պահանջել։ Քանի որ ՀԱՊԿ-ն իրականում Ռուսաստան է՝ ռազմական առումով, ռուսական զորքերը պետք է դադարեցնեն ներխուժումը»:

Ինչ վերաբերում է Հայաստանում ընթացող հայ-ամերիկյան զորավարժություններին, Alpha News-ի զրուցակիցը կարծում է, որ Ռուսաստանի կողմից դրանց ուշադիր հայացքը լիովին արդարացված է։

«Սա, իմ կարծիքով, շատ ակտիվ սադրանք է հայկական կողմից, մեզանից ոչ հեռու ամերիկյան ռազմական ուժերը խնդիր են, մենք Ամերիկայի հետ հիբրիդային պատերազմի փուլում ենք, հարց չէ, որ «օ, սարսափելի է, Հայաստանն Ամերիկայի հետ բարեկամ է», նա իրավունք ունի ընկերանալու ում հետ հարմար կգտնի, բայց մենք չենք կարող չարձագանքել զորավարժությունների առկայությանը, թեկուզ զորավարժություններ են և ոչ գործողություններ։

Մենք ուզում ենք հասկանալ, թե ինչ է ակնկալում Հայաստանը այս զորավարժություններից։ Արդյո՞ք սա ընդամենը ցուդադրություն է Թուրքիայի համար։ Թե՞ սա մեզ համար արդեն ցուցադրություն է։ Ցանկացած ուսմունք միշտ խորհրդանիշ է, այն միշտ ուղերձ է»,- եզրափակել է Դմիտրի Ժուրավլևը։