Բալանսավորված սննդակարգը՝ առողջության պահպանման կարևոր գործոն

Օրգանիզմի առողջ աճի և ընդհանուր առողջության պահպանման ամենակարևոր գործոններից է ճիշտ ու բալանսավորված սննդակարգը։

Օրական պետք է սնվել երեք անգամ (նախաճաշ, ճաշ և ընթրիք). կարևոր է հիշել, որ ընթրիքը պարտադիր չէ, որ լինի մեծ չափաբաժնով:

Սպառվող սննդի հիմնական մասը պետք է առողջ մթերքներ լինեն՝ մրգեր, բանջարեղեն, ամբողջական ձավարեղեն և յուղազերծ կամ ցածր յուղայնությամբ կաթնամթերք:

Առողջ սննդակարգում անհրաժեշտ է ներառել անյուղ միս, թռչնամիս, ձուկ, լոբի, ձու և ընկույզ (շեշտը դնելով լոբու և ընկույզների վրա):

Ընտրել հագեցած ճարպեր, տրանս ճարպեր, խոլեստերին, աղ (նատրիում) և ավելացված շաքարներ պարունակող մթերքներ. գնելիս նայել պիտակներին:

Վերահսկել ընդունվող սննդի չափաբաժինը. ուտել քիչ, քաղցը հագեցնելուց հետո դադարել ուտել:

Aysor.am-ի փոխանցմամբ՝ առողջ նախուտեստները պետք է բաղկացած լինեն այնպիսի մթերքներից, ինչպիսիք են մրգերը, ամբողջական ձավարեղենը կամ ընկույզը, որպեսզի բավարարեն քաղցը, և ավելորդ քաշ չկուտակվի։

Ցանկալի է խուսափել գազավորված և շաքարով հագեցած ըմպելիքներից՝ դրանց մեջ պարունակվող ավելորդ կալորիաների պատճառով։ Դիետիկ ըմպելիքներն այս դեպքում լավ այլընտրանք չեն, քանի որ երբեմն քաղցածության զգացողություն են առաջացնում և մեծացնում հավելյալ սննդի օգտագործման հավանականությունը։

Խուսափել քնելուց առաջ մեծ քանակությամբ սնունդ ընդունելուց՝ գաստրոէզոֆագեալ ռեֆլյուքսը և քաշի ավելացման ռիսկը նվազեցնելու համար:

Խուսափել երեխաներին քաղցր նախուտեստներով «պարգևատրելուց». դա կարող է դառնալ սովորություն:

Ամռան ամիսներին, հատկապես շոգ օրերին, խուսափել ծանրամարս ուտելիքներից։

Վերջին շրջանում առողջ ապրելակերպի և քաշի կորստի համար խթանվում է բուսակերությունը։ Բուսակերները, սակայն, պետք է խորհրդակցեն իրենց բժիշկների հետ՝ համոզվելու համար, որ ստանում են բավարար քանակությամբ վիտամիններ, հանքանյութեր և երկաթ:

Սննդի ջերմամշակումը ոչնչացնում է վնասակար բակտերիաների և այլ պաթոգենների մեծ մասը։ Պետք է խուսափել ցանկացած տեսակի հում կամ կիսաեփ միս ուտելուց:

Մրգերը կամ բանջարեղենը պետք է մանրակրկիտ լվացվեն հոսող ջրով։