Երևանյան ընտրությունների քաղաքական իմաստը՝ 2021թ․ սխալի շտկումն է. Խոսրով Հարությունյան

ՀՀ նախկին վարչապետ, ԱԺ նախկին նախագահ Խոսրով Հարությունանը գրել է․

«Երևանյան ընտրությունների քաղաքական իմաստը՝ 2021թ․ սխալի շտկումն է

Այսօր Ադրբեջանը ցուցադրաբար իրականցնում է ռազմական տեխնիկայի և զորամիավորումների աննապադեպ կենտրոնացում Հայաստանի սահմաններին և Արցախի Հանրապետության հետ շփման գծում: Ընդ որում հատկանշական է այն, որ մարտական գործողություններին պատրաստ ռազմական միջոցների վրա պատկերված է արդբեջանական ռազմական այս ագրեսիայի խորհրդանիշը՝ այսպես կոչված ‹‹զանգեզուրի միջանցքը›› խորհրդաշնող նշանը՝ գլխիվայր շուռ տված լատինատառ A-ի տեսքով:

Առավել քան ակնհայտ է, որ ‹‹պատերազմից հինգ պակաս›› այս իրավիճակը ոչ միայն 44-օրյա պատերազմի հետևանքն է, այլև 2020թ․ նոյեմբերից հետո հայաստանյան իշխանությունների քաղաքականության արդյունքն է:

Այսօր Հայաստանի սուվերեն տարածքի ավելի քան 150 քառ.կմ-ը, այդ թվում ռազմավարական կարևորության մի շարք բարձրունքներ, հայտնվել են թշնամու ձեռքում՝ ձևավորելով Հայաստանի անվտանգության համար կործանարար սպառնալիքներ:

Փաշինյանի իշխանության քաղաքականության արդյունքում ոչ միայն վտանգված է Արցախի Հանրապետության ապագան, այլև արցախայությունը հայտնվել է թշնամու ցեղասպանական քաղաքականության ճիրաններում:

Սա է ցավալի իրաղությունը:

Չնկատել այս ամենը, նշանակում է չցանկանալ իրերն իրենց անունով կոչել, նշանակում է խուսափել իրականությանն առերեսվելուց:

Բայց նույնչափ ցավալի և ոչ պատվաբեր իրողություն է այն, որ գործող իշխանության այս քաղաքականության անվերահսկելի իրականացումը 2021թ համապետական ընտրությունների ուղղակի հետևանքն է, իսկ ավելի ճիշտ, այդ ընտրություններում Երկրի ճակատագրի, մեր երեխաների ապագայի հանդեպ շուրջ 850 հազար մեր հայրենակիցների կրավորական և անտարբեր վերաբերմունքի արդյունքն է, որոնք գերադասեցին մնալ տանը և չմասնակցել ընտրություններին:

Համոզված եմ, որ նրանց ճնշող մեծամասնությունը հոգու խորքում գիտակցում է հնարավորության դեպքում այդ սխալն ուղղելու անհրաժեշտությունը:

Ահա հենց այս տեսակետից Երևանի ավագանու առաջիկա ընտրությունները մեր բոլորիս նախկին սխալն ուղղելու իրական հնարավորություն է:

Հաշվի առնելով այն իրողությունը, որ Երևանը Հանրապետությունում քաղաքական տրամադրությունների թե՛ բարոմետրն է, և թե՛ քաղաքական զարգացումների յուրատեսակ գեներատորը, առաջիկա ընտրություններում ցանկացած կոնֆիգուրացիայով իշխանությունների վերարտադրությունը կգնահատվի այսօրվա կործանարար քաղաքականության շարունակության համար հանրության կողմից իշխանություններին տրվող հեթական քարտ-բլանշը:

Երևանյան առաջիկա ընտրությունների քաղաքական ողջ իմաստը՝ 2021թ սխալի շտկումն է:

Այս ընտրրությունները մեր երեխաների վաղվա արժանապատիվ օրը կերտելու հնարավորության մասին են: Այս ընտրությունները արցախահայությանը ցեղասպանությունից զերծ պահելու շանս ձևավորելու մասին են:

Ահա թե ինչո՞ւ այս ընտրությունները, մեծ հաշվով, Երևանի մասին չեն:

Նրանք ընտրություններից հետո մեզանում նոր, առողջ քաղաքական զարգացումներ գեներացմնելու համար անշրջելի քաղաքական նախադրյալներ ստեղծելու մասին են:

Ուստի այս ընտրություններում երևանցին չի կարող քվեարկել ցանկացած ուժի օգտին, որի լիդերները 2018-ին կամ դրանից հետո եղել են թավշյա հեղափոխականների հետ՝ ցանկացած կարգավիճակով:

Հետևաբար մենք՝ երևանցիներս, պարտավոր ենք մեր բաժին քաղաքական ներդումն ունենալ Երկրում և նրա շուրջ ստեղծված՝ մեզ և մեր սերունդներին ոչ մի ապագա չխոստացող այս իրավիճակն աստիճանաբար փոխելու պատմական գործում:

Այդ իսկ պատճառով մենք դատապարտված ենք սեպտեմբերի 17-ին ճիշտ ընտրություն կատարելու՝ ընտրություն հանուն մեր անվտանգ ապագայի, ընտրություն հանուն մեր ինքնիշխանության լիարժեք վերականգման, ընտրություն հանուն մեր Արցախ սրբավայրի հայկական մնալուն, ընտրութոյուն հանուն այն երազանքի, որի համար զոհվեցին մեր զավակները և եղբայրները, ընտրություն հանուն աշխարհասփյուռ հայության Մայր Հյասատանի:

Սա՛ է կատարյալ ճիշտ ընտության բանաձևը՝ «Մայր Հայաստան» դաշինք - N14»,-գրել է նա: