Վիրահատությունից հետո կնոջ որովայնում 17 սանտիմետրանոց վիրաբուժական գործիք են մոռացել
![](/timthumb.php?src=disc/09-09-23/b426da8610060272b53fd0eafa8c725a.jpg&w=450)
Նորզելանդացի կնոջ որովայնից ծննդաբերությունից մեկուկես տարի անց հանել են մոռացված վիրաբուժական գործիք։ Նոր Զելանդիայի Օքլենդ քաղաքում տեղի ունեցած միջադեպի մասին հայտնել է People-ը։
Ինչպես լրագրողներին հայտնել է Նոր Զելանդիայի Առողջապահության նախարարության վերահսկող մարմնի ներկայացուցիչ Մորագ Մակդաուելը, 2020 թվականին կեսարյան հատում կատարելուց հետո վիրաբույժները մոռացել են կնոջ որովայնում 17 սանտիմետրանոց վիրաբուժական ռետրակտորը։
2021 թվականին նա դիմել է շտապօգնության բաժանմունք՝ բողոքելով ցավից։ Նրան նշանակել են որովայնի տոմոգրաֆիա և ներսում հայտնաբերել օտար առարկա։
Բժիշկները գրավոր ներողություն են խնդրել հիվանդից։ Դեռ հայտնի չէ, թե ինչ միջոցներ կկիրառվեն նրանց նկատմամբ, փոխանցում է Shantnews-ը։