Աշխարհի մեկ տասնյակից ավելի երկրներում այսօր հնչել է՝ SOS Արցախ

Սփյուռքի մեր հայրենակիցները ևս անտարբեր չեն Արցախում տեղի ունեցող իրադարձությունների նկատմամբ: Արցախի Հանրային հեռուստատեսությունը հատնում է, որ աշխարհի 13 երկրի 17 քաղաքում հաջակցություն Արցախի, այսօր բազմամարդ բողոքի ակցիաներ են կազմակերպել: Մասնակիցները պահանջում են բացել Բերձորի միջանցքը և կանխել ցեղասպանության իրագործումը:

ԱՄՆ-ում Ֆրանսիայում, Կիպրոսում, Անգլիայում, Դանիայում, Նիդեռլանդներում և մի շարք այլ երկրերում կազակերպված ցույցերի մասնակիցները փողոց են դուրս եկել՝ աշխարհին իրազեկելու, որ Արցախի ժողովուրդը կանգնած է ցեղասպանության իրական վտանգի առջև։

Jnews-ը գրում է, որ սեպտեմբերի 2-ին, Ախալքալաքի Սուրբ Խաչ եկեղեցու բակում «SOS Արցախ» խորագրով աջակցության ակցիա է անցկացվել, որը կազմակերպել էր Ջավախքի պատանեկան միությունը։ Ակցիայի ընթացքում Ջավախքի պատակենական միության անդամները պարզել էին՝ «Արցախը մենք ենք», «Ճանաչում հանուն փրկության», «Բացեք կյանքի ճանապարհը», «Արցախը հայկական է», «Արցախի շրջափակումը տանում է ցեղասպանության» գրությամբ պաստառներ, ինչպես նաև հայկական ու վրացական դրոշներ։ Պատանիները պարբերաբար վանկարկում էին, որը «Ջավախքը՝ Արցախի կողքին է», «Արցախը հայկական է», «Ճանաչում հանուն փրկության», «Արցախը միայանակ չէ»:

Մանրամասն՝ Արցախի Հանրային հեռուստատեսության տեսանյութում։