Պրիգոժինի ավիավթարի միջազգային հետաքննության մասին խոսք չկա. Պեսկով

«Վագներ» խմբի հիմնադիր Եվգենի Պրիգոժինի ինքնաթիռի կործանման գործը վարում է ՌԴ Քննչական կոմիտեն, միջազգային հետաքննության մասին խոսք լինել չի կարող, չորեքշաբթի լրագրողների հետ զրույցում ասել է ՌԴ նախագահի մամուլի խոսնակ Դմիտրի Պեսկովը, հայտնում է ТАСС-ը։

«Նախ, նախաքննությունը շարունակվում է։ Դրանով զբաղվում է Քննչական կոմիտեն։ Այս մասին նախագահ (Վլադիմիր) Պուտինը խոսել է այս հարցի վերաբերյալ իր վերջին մեկնաբանության մեջ։ Դա հենց մեր ռուսական հետաքննությունն է, հետևաբար, այս դեպքում որևէ միջազգային ասպեկտի մասին խոսք լինել չի կարող... Հիմա հանգամանքներն այլ են, հետևաբար, այս դեպքում այս ինքնաթիռի կործանման հետ կապված իրավիճակը բոլորովին այլ է»,- ասել է Պեսկովը։ .

ՌԴ ԱԻՆ-ի փոխանցմամբ՝ չորեքշաբթի Տվերի մարզի Կուժենկինո գյուղի մոտ վթարի է ենթարկվել Մոսկվայից Սանկտ Պետերբուրգ թռչող Embraer Legacy մասնավոր ինքնաթիռը։ Ավելի ուշ ՌԴ Քննչական կոմիտեն հայտնել է, որ Տվերի մարզում տեղի ունեցած ավիավթարի բոլոր տասը զոհերի ինքնությունը պարզվել է, դրանք համապատասխանում են թռիչքի թերթիկում նշված ցանկին։ Ուղևորների թվում է եղել Եվգենի Պրիգոժինը։ Embraer-ի կործանման պահը ֆիքսվել է տեսանյութում. ձայնագրությունը ցույց է տալիս, թե ինչպես է ծխող օդանավն արագորեն կորցնում բարձրությունը: Արտակարգ դեպքից հետո ՌԴ Քննչական կոմիտեն գործ է հարուցել՝ երթևեկության անվտանգության և օդային տրանսպորտի շահագործման կանոնները խախտելու դեպքի առթիվ։

Աղբյուրը