Հեռացնե՞լ, թե՞ բուժել իմաստության ատամները

Իմաստության ատամների բուժումը խիստ դժվարացած է։ Այդ գործընթացի բարդությունը պայմանավորված է ինչպես դրանց բարդ կառուցվածքով, այնպես էլ բերանի խոռոչում նրանց ոչ հարմար տեղակայումով։ Ատամը տեղակայված է «հեռու», ինչը դժվարացնում է բժշկի՝ ատամին մոտենալը։ Արմատախողովակները և ատամի արմատները հաճախ անկանխատեսելի տեղակայում ունեն, արմատները սովորաբար ունեն բարդ ձև։

Յուրաքանչյուր մարդ պետք է որոշում կայացնի իմաստության ատամների հեռացման անհրաժեշտության մասին անհատապես, սակայն այդ ատամների դժվարամատչելիության պատճառով առաջացած վատ հիգիենայի պատճառով զգալիորեն մեծանում է կարիեսի վտանգը, նախազգուշացրել է բժիշկ-ատամնաբույժ Վլադիմիր Լոսեւը: Նման կարծիք նա հայտնել է Life-ի հետ զրույցում։

Լոսևը բացատրել է. իմաստության ատամները, որոնք հայտնի են նաև որպես «ութերորդներ», ռուդիմենտար են և բերանի խոռոչում բավարար տեղ չկա դրանց համար: Այս առումով նրանք հաճախ չեն կարող ամբողջությամբ դուրս գալ։ Սա, իր հերթին, կարող է առաջացնել ճնշում կողքի ատամների վրա, կծվածքի խանգարումներ, ատամնաշարի տեղաշարժ, լնդերի և բերանի լորձաթաղանթի դիսկոմֆորտ։

Բժիշկն իմաստության ատամների մեկ այլ խնդիր է անվանել դրանց դժվարամատչելիությունն ու, որպես հետեւանք, վատ հիգիենան, ինչը զգալիորեն մեծացնում է կարիեսի եւ բերանի խոռոչի այլ հիվանդությունների ռիսկը: Այդ պատճառով ատամնաբույժի աշխատասենյակում գտնվող տասը հիվանդներից ինը որոշում են կայացնում հեռացնել «ութնյակները», ընդգծել է Լոսեւը։

Որոշ դեպքերում իմաստ ունի ոչ թե հեռացնել, այլ պահպանել խնդրահարույց աղորիքը։ Հարևան աղորիքների բացակայության դեպքում ութերորդ ատամն անհրաժեշտ է հենակետի համար, որի վրա կարելի է ամրացնել կամրջաձև պրոթեզը։

Ինչպես տեսնում ենք՝ հեռացնել, թե բուժել ութերորդ ատամները, որոշում է միայն բժիշկը՝ կոնկրետ դեպքին համապատասխան, փոխանցում է Mediahub-ը։