Այն, թե ինչպես է նա ամեն օր աշխատում վերականգնման վրա, ֆանտաստիկ է․ Կաշտրու

«Ալ-Նասրի» գլխավոր մարզիչ Լուիշ Կաշտրուն խոսել է թիմի հարձակվող Կրիշտիանու Ռոնալդուի խաղի մասին։

«Բոլորը գիտեն, թե ինչպիսի խաղացող և մարդ է նա: Ամեն օր նա կենտրոնանում է ֆուտբոլի վրա։ Նա ունի էներգիա, որը շատ վարակիչ է իր թիմակիցների համար: Այն, թե ինչպես է նա ամեն օր աշխատում վերականգնման վրա, ֆանտաստիկ է: Նա մեր ավագն է այն բանի համար, ինչ անում է ամեն վայրկյան և ինչ է տալիս ֆուտբոլին»,- Armsport-ի փոխանցմամբ՝ մարզչի խոսքն է մեջբերել A Bola-ն։

Սաուդյան Արաբիայի առաջնության նոր մրցաշրջանում «Ալ-Նասրը» երկու հանդիպումներում էլ պարտություն է կրել։ 38-ամյա պորտուգալացին սաուդյան ակումբ է տեղափոխվել 2022 թվականի դեկտեմբերին՝ կնքելով 2,5 տարվա պայմանագիր։