Պրոտեինի չարաշահման վտանգները

Մարզիկների մեծ մասը վաղ թե ուշ բախվում է սպորտային հավելումներ ընդունելու խնդրին: Պրոտեինի մասին կարծիքները հակասական են, սակայն դրանք ամենահայտնի արտադրանքն են ֆիթնեսի սիրահարների շրջանում։

Պրոտեինը փոշի է, որը հարուստ է սպիտակուցներով (սովորաբար 60-90%), ցածր յուղայնությամբ և ածխաջրերով: Ամենակարևորն այն է, որ այն հեշտությամբ մարսվող սպիտակուց է, այդ իսկ պատճառով այդքան տարածված է սպորտով զբաղվող մարդկանց շրջանում։ Սպիտակուցը կատարյալ օգնական է մկանների համար:

Սպիտակուցը կարող է առաջացնել սննդային խանգարումներ։ Հատկապես վտանգի տակ են լակտոզայի անհանդուրժողականությամբ տառապող մարդիկ:

Aysor.am-ի փոխանցմամբ՝ սպիտակուցի չափաբաժնի գերազանցումը կարող է բացասաբար ազդել լյարդի և երիկամների աշխատանքի վրա։

Հայտնի է, որ մաքուր սպիտակուցը ամենահամեղ արտադրանքը չէ: Համը բարելավելու համար արտադրողները ավելացնում են քաղցրացուցիչներ, համի փոխարինիչներ և գունանյութեր։

Խտացված սպիտակուցը կարող է առաջացնել ալերգիկ ռեակցիաներ: Դա կարող է պայմանավորված լինել բացառապես սպիտակուցի անհատական անհանդուրժողականությամբ:

Խտացված սպիտակուցների ավելորդ սպառման դեպքում կարող է զարգանալ նաև փորկապություն: Երիկամների հիվանդության դեպքում չափաբաժինը նույնպես պետք է ճշգրտվի։ Գաստրիտի դեպքում սպիտակուցի ընդունումը պետք է կիրառել միայն բժշկի հետ խորհրդակցելուց հետո:

Հաստատվել է, որ մեծ քանակությամբ պոլիպեպտիդների ընդունումը կարող է հանգեցնել մեզի մեջ կալցիումի արտազատմանը։ Միաժամանակ, բավարար քանակությամբ առկայությունը բարելավում է կալցիումի կլանումը՝ մեծացնելով նրա կենսահասանելիությունը:

Պրոտեինների օգտագործումը հակացուցված է՝

18 տարեկանից ցածր անձանց,

հղի և կրծքով կերակրող կանանց,

բաղադրիչների նկատմամբ անհատական անհանդուրժողականություն ունեցող մարդկանց,

երիկամային անբավարարություն և լյարդի խնդիրներ ունեցող հիվանդներին,

շատ մեծ քանակությամբ ենթամաշկային ճարպ ունեցող մարդկանց։

Պրոտեինների բաղադրությունում ամենից հաճախ ներառվում է արագ սպիտակուց: Եթե մարդը բավարար ուշադրություն չի դարձնում ֆիզիկական ակտիվությանը, ապա հեշտությամբ կարող է ավելորդ կիլոգրամներ կուտակել։

Սպիտակուցային սննդային հավելումներ ընդունելիս անհրաժեշտ է ուշադիր հետևել չափին: Մեծ քանակությամբ պրոտեինը կարող է առաջացնել փքվածություն և ծակոցներ: Օրգանիզմի կողմից չյուրացված պրոտեինը կարող է դառնալ պաթոգեն միկրոօրգանիզմների համար հիանալի միջավայր: