Անահիտ Սիմոնյանը մեկնաբանել է համացանցում տարածված իր և Սուպեր Սաքոյի տեսանյութը

Համացանցում օրեր շարունակ տարածվում են տեսանյութեր ռեփեր Սուպեր Սաքոյի և Անահիտ Սիմոնյանի մասնակցությամբ և Անահիտն ինստագրամյան իր էջի «Սթորի» բաժնում պարզաբանել է իրավիճակն ու իր մոտեցումները:

«Իմ գործընկեր Սաքոյի հետ ես երկար տարիներ է՝ ինչ ընկերություն եմ անում և ինքս եմ հրապարակել այդ տեսանյութը, որը ծիծաղելի էր և մեր չստացված լուսանկարի տեսանյութի տարբերակն էր և ի՞նչ ահավոր բան կա այդ նկարի մեջ: Եթե ձեզ դուր չի գալի, թե ինչպես եմ ես հագնվում, ապա դա միմիայն ձեր խնդիրն է և ես պարտավոր չեմ հագնվել, ապրել այնպես, ինչպես դուք եք ցանկանում, քանի որ ես անգամ ձեզ չգիտեմ և դա վերաբերվում է այն մարդկանց, որոնք ինձ վիրավորում են:

Խնդրում եմ, որ համակերպվեք այն փաստի հետ, որ յուրաքանչյուրը պետք է ապրի իր կյանքը՝ հագնվելով այնպես, ինչպես ցանկանում է: Եթե իմ կյանքում հայտնվի տղամարդ ես ձեզ վստահեցնում եմ, որ Ինստագրամում դուք երբեք նրան չեք տեսնի: Ես աղջիկ եմ, որն ուզում է ապրել իր կյանքը, լինի դա մերկ վիճակով, թե փարաջայով, բայց դա իմ ընտրությունն է»,- գրել է Անահիտ Սիմոնյանը: