Մագուայերը պետք է ապացուցի, որ լավագույնն է, հակառակ դեպքում ստիպված կլինի հեռանալ․ Տեն Հագ

Էրիկ տեն Հեգը բարձր է գնահատել Հարի Մագուայերի հեռանկարները «Մանչեսթեր Յունայթեդում»:

Armsport-ի փոխանցմամբ՝ ավելի վաղ հաղորդվում էր, որ Մագուայերը մոտ է 30 միլիոն ֆունտով «Վեսթ Հեմ» տեղափոխվելուն։ Լոնդոնցիները քննարկում են «Մանչեսթեր Յունայթեդի» հետ գործարքի մանրամասները։

«Նա ի վիճակի է լինել բարձրակարգ կենտրոնական պաշտպան: Նա լավագույնն է Անգլիայի հավաքականում, իսկ ինչո՞ւ չպետք է լավագույնը լինի մեզ համար:

Բայց նա պետք է ապացուցի դա։ Եթե նա բավականաչափ վստահ չէ պայքարելու համար, ուրեմն պետք է հեռանա, պետք է որոշում կայացնի։ Բայց ես գոհ եմ նրանից»,- «Մանչեսթեր Յունայթեդի» գլխավոր մարզչի խոսքերն է փոխանցում BBC-ն։