Լողի միջազգային ֆեդերացիան չեղարկել է Փարիզում աշխարհի առաջնությունը՝ Սենայի ջրի որակի պատճառով

Փարիզում տեղումների միջին մակարդակի վերջին բարձրացումից հետո Սենում ջրի որակը մնում է ընդունելի չափանիշներից ցածր՝ լողորդների առողջության պահպանման տեսանկյունից: Հետևաբար, Լողի միջազգային ֆեդերացիան (World Aquatics), խորհրդակցելով հանրային առողջապահական մարմինների և միջոցառումներ անցկացնող գործընկերների հետ, չեղյալ է հայտարարել այս շաբաթվա վերջին նախատեսված լողի աշխարհի բաց ջրային առաջնությունը: Այս մասին ասվում է ֆեդերացիայի հայտարարության մեջ։

«World Aquatics-ը հասկանում է, որ հաջորդ տարվա Օլիմպիական խաղերի նախաշեմին կավարտվեն հետագա ենթակառուցվածքային ծրագրերը Սենում ջրի որակը զգալիորեն բարելավելու նպատակով: World Aquatics-ը շարունակում է ոգևորված մնալ հաջորդ ամռանը աշխարհի լավագույն լողորդների համար քաղաքի կենտրոնում բաց ջրում օլիմպիական մրցավազք անցկացնելու հեռանկարով: Ելնելով այս հանգստյան օրերի արդյունքներից, պարզ է դառնում, որ 2024 թվականին հետագա աշխատանք է անհրաժեշտ Փարիզի և տեղական իշխանությունների հետ, որպեսզի ապահովվեն հաջորդ տարում արտակարգ իրավիճակների դեպքում գործողությունների հուսալի ծրագրերի առկայությունը»,- ասվում է World Aquatics-ի հայտարարության մեջ: