Ուղիներ, որոնք օգնում են պայքարել անինքնավստահության դեմ

Հոգեբան Իլյա Ախմեդովը կոչ է անում չարձագանքել ուրիշների քննադատություններին՝ բարձրացնելու ինքնագնահատականը։ Shantnews-ի փոխանցմամբ՝ Lenta.ru-ին տված հարցազրույցում նա նշել է ինքնավստահությունից ազատվելու այլ ուղիներ ևս։

Անորոշության առաջացման հիմնական պատճառը մանկության և պատանեկության բացասական փորձառությունն է, կարծում է հոգեբանը։ Փոքր տարիքից երեխան կլանում է այն ամենը, ինչ ասում են իր մասին ծնողները, ուսուցիչներն ու ընկերները։

«Եթե ծնողները նվաստացրել են երեխային մանուկ հասակում, ապա որպես չափահաս նա կնվաստացնի իրեն ուրիշների առաջ»,- ասում է Ախմեդովը։

Մենք բոլորս գիտենք, թե ինչպես, օրինակ, դպրոցական բուլինգը կարող է ազդել երեխայի վրա: Ու բարդույթները տարիքի հետ միայն ուժեղանում են։

Հոգեբանի խոսքով՝ մարդը կարող է նույնիսկ չհիշել բացասական փորձը, բայց միաժամանակ մեծ անինքնավստահություն ապրի։
Պերֆեկցիոնիզմն անինքնավստահության դրսեւորումներից է։ Կատարելության ձգտելով՝ մարդը ցանկանում է ավելի լավ երեւալ ուրիշների աչքում։

Ինքնավստահությունից ազատվելու համար պետք է նայել վախի աչքերին, վստահեցնում է Lenta.ru-ի զրուցակիցը։

«Եթե դուք վախենում եք խոսել մարդկանց հետ, վերլուծեք, թե ինչու է դա տեղի ունենում: Փորձեք հանդիպել մարդկանց և երկխոսել։ Արդարացվա՞ծ էին ձեր մտավախությունները: Եթե ​​այո, ապա դուք գիտեք, թե ինչի վրա պետք է աշխատել, իսկ եթե ոչ, ապա, ամենայն հավանականությամբ, ձեր վախը մըտացածին է»,- նշում է հոգեբանը:

Ախմեդովը կոչ է անում չհարմարվել այլ մարդկանց կարծիքներին ու շահերին և չարձագանքել նրանց քննադատությանը։ Դուք պետք է ունենաք ձեր սեփական կարծիքը և համարձակություն այն արտահայտելու համար: Բացի այդ, ձեզ հարկավոր չէ ընդունել ուրիշների բոլոր խորհուրդները։ Պետք է ամեն ինչ անել յուրովի՝ թեկուզ սխալներով, բայց կյանքի փորձ ձեռք բերելով։