Տանտիրուհու ընկերուհին հարմարեցված բանալիով մտել էր բնակարան և գողություն կատարել

Հուլիսի 31-ին, 00.36-ին, ոստիկանության Տավուշի մարզի օպերատիվ կառավարման կենտրոն է զանգել դիլիջանցի 31-ամյա մի կին և հայտնել, որ հարմարեցված բանալիով մտել են Գետափնյա փողոցի շենքերից մեկի իր բնակարան և գողություն կատարել։ Նաև հայտնել է, որ գիտեն գողությունը կատարողին:

Ոստիկանության Դիլիջանի բաժնից Գետափնյա փողոցի նշված տուն մեկնած օպերատիվ խմբին 31-ամյա կինը հաղորդում է տվել, որ հուլիսի 30-ին Երևանից վերադառնալով՝ նկատել է, որ ընկերուհին մտել է իր բնակարան և գողացել բրենդային հագուստով ճամպրուկները:

Դիլիջանցի 35-ամյա կինը հայտնաբերվել, ձերբակալվել և կազմված փաստաթղթերի հետ ներկայացվել է Դիլիջանի քննչական բաժին։