ԵՄ ներկայացուցիչ Ստանոն ասել է, որ Թուրքիան չի կարող ԵՄ անդամ դառնալ 2024թ.

Թուրքիան Եվրամիության անդամ չի դառնա 2024թ., միությունն առայժմ պատրաստ չէ Անկարային անգամ անվիզա ռեժիմ տրամադրել։ Այս մասին «Իզվեստիա» թերթին տեղեկացրել է Եվրամիության արտաքին քաղաքական ծառայության պաշտոնական ներկայացուցիչ Պետեր Ստանոն։

Եվրամիությանը միանալու գործընթացը, ասել է Ստանոն՝ խոսելով Թուրքիայի հեռանկարների մասին, տարիներ է տեւում, ոչ թե ժամեր։

Նա նաեւ ընդգծել է, որ վիզային ռեժիմի ազատականացման մասին որոշումն ընդունվում է ԵՄ անդամների կողմից այն բանից հետո, երբ երկիրը, որը մտադիր է ստանալ այդ կարգավիճակը, կատարում է անհրաժեշտ բոլոր չափորոշիչները, որոնք ներառում են մարդու իրավունքները եւ քաղաքական ազատությունները։

Ինչպես պարբերականին ասել է Ֆրանսիայից Եվրախորհրդարանի պատգամավոր Թիերի Մարիանին, նա Անկարայի հետ բանակցությունների վերսկսման իմաստ չի տեսնում։

Թերթը նշել է, որ Թուրքիայի անդամակցության թեման քննարկվելու է։ Թուրքական Hürriyet թերթի տվյալներով՝ առաջին ազդանշանները կտրվեն հուլիսի 20-ին ԵՄ երկրների ԱԳՆ ղեկավարների հանդիպման ժամանակ։

ԵՄ-ին անդամակցության հայտը Թուրքիան տվել է դեռ 1987թ., թեկնածուի կարգավիճակ ստացել է 1999թ.։ 2005թ. կողմերը պաշտոնապես սկսել են Անկարայի կարգավիճակի մասին բանակցությունները, բայց գործընթացը մի քանի անգամ ընդհատվել է տարաձայնությունների պատճառով։ 2016-ից բանակցային գործընթացը վերսկսվել է, մասնավորապես, միգրացիոն ճգնաժամից դուրս գալու հարցում Եվրոպային ցուցաբերված օգնության համար. երկիրը փախստականներին պահում էր իր մոտ, սակայն վերջին յոթ տարում Անկարան այդպես էլ չի կարողացել ավարտել բանակցությունները։

Աղբյուրը՝ news.am