Ավտովթար Արարատի մարզում. բախվել են BMW-ն ու Ford Fusion-ը. կա վիրավոր

Հուլիսի 17-ին, ավտովթար է տեղի ունեցել Արարատի մարզում: Ժամը 17:15-ի սահմաններում Ոսկետափ գյուղի Երևանյան խճուղում բախվել են Արարատի մարզի բնակիչներ 31-ամյա Գրիգոր Մ.-ի վարած BMW մակնիշի և 30-ամյա Գագիկ Զ.-ի վարած Ford Fusion մակնիշի ավտոմեքենաները:

Ինչպես հայտնում է Shamshyan.com-ը, վթարի հետևանքով BMW-ի ուղևոր, Արարատի մարզի բնակիչ 28-ամյա Գ. Հ.-ն մարմնական վնասվածքներով տեղափոխվել է «Արտաշատ» բժշկական կենտրոն:

Օպերատիվորեն դեպքի վայր են ժամանել ՀՀ Ներքին գործերի նախարարության Ոստիկանության Արարատի մարզային վարչության պետ Սարիբեկ Ռուստամյանը և Ոստիկանության Արարատի բաժնի պետ Ֆիլիպպ Ստեփանյանը:

Օպերատիվորեն ժամանել են նաև ՀՀ ՆԳՆ Ոստիկանության Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Մառլեն Սարգսյանի, դասակի հրամանատար Արտյոմ Բեկլարյանի և ճանապարհատրանսպորտային գործերով ավագ տեսուչ Հայկ Մեծոյանի գլխավորությամբ:

Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է Հայաստանի Քննչական կոմիտեի Արարատի մարզային քննչական վարչության Վեդիի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ:

Վթարի փաստով Վեդիի քննչական բաժնում նախաձեռնվել է վարույթ:

Վարորդները տեղում ենթարկվել են սթափության փորձաքննության, եղել են սթափ: