Բացահայտվել է Իրանից Հայաստան մաքսանենգ եղանակով առանձնապես խոշոր չափերով տարբեր թմրամիջոցների տեղափոխման դեպք

ՀՀ քննչական կոմիտեի Սյունիքի մարզային քննչական վարչության Սիսիանի քննչական բաժնում քննվող քրեական վարույթի շրջանակներում իրականացվում են քննչական և վարութային գործողություններ՝ ԻԻՀ-ից ՀՀ մաքսանենգ եղանակով ներկրված թմրամիջոցների ապօրինի շրջանառության դեպքի բոլոր հանգամանքները պարզելու ուղղությամբ:

Այս մասին հայտնում են Քննչական կոմիտեից։

2023թ. հուլիսի 15-ին ՀՀ ազգային անվտանգության ծառայությունից ՀՀ ՆԳՆ ոստիկանության Սյունիքի մարզային վարչություն ստացված օպերատիվ տվյալներն իրացնելու նպատակով նույն օրը՝ ժամը 04:30-ի սահմաններում, Մեղրի քաղաքից Երևան ուղևորվելու ճանապարհին, ՀՀ ԱԱԾ Սյունիքի մարզային վարչության ծառայողների, ինչպես նաև ՀՀ ՆԳՆ ոստիկանության Սյունիքի մարզային վարչության և Սիսիանի բաժնի ծառայողների համատեղ ուժերով, Երևան-Մեղրի ավտոճանապարհի 200-րդ կմ հատվածում կանգնեցվել են «Opel Astra 1.6» և «Mercedes benz S430» մակնիշի ավտոմեքենաները: Այդ ընթացքում «Opel Astra 1.6» մակնիշի ավտոմեքենայի վարորդը, չենթարկվելով ՀՀ ՆԳՆ ոստիկանության ծառայողի՝ տրանսպորտային միջոցը կանգնեցնելու օրինական պահանջին, փախուստի փորձ կատարելով՝ բախվել է վերջինիս ամրակցված «Toyota Corolla» մակնիշի ավտոմեքենային: Արդյունքում, ոստիկանության ծառայողներից մեկը, ստացած մարմնական վնասվածքներով, տեղափոխվել է բժշկական կենտրոն, իսկ «Opel Astra 1.6» մակնիշի ավտոմեքենայի ուղևորը գլխի հատվածում ստացել է քերծվածքի տեսքով մարմնական վնասվածք։ Նշված «Opel Astra 1.6» մակնիշի ավտոմեքենայի սրահում՝ ակնհայտ տեսանելի վայրում, առկա է եղել երեք կապոց՝ թմրանյութին բնորոշ սուր յուրահատուկ հոտով և փաթեթավորված պոլիէթիլենային ու ալյումինե ստվարաթղթով:

Դեպքի առթիվ ՀՀ քրեական օրենսգրքի 342-րդ հոդվածի 1-ին մասով, 393-րդ հոդվածի 3-րդ մասի 2-րդ կետով և 399-րդ հոդվածի 3-րդ մասի 2-րդ կետով նախաձեռնվել է քրեական վարույթ: Հիշյալ երեք տղամարդիկ ձերբակալվել են՝ հանցանք կատարած լինելու անմիջականորեն ծագած հիմնավոր կասկածի հիման վրա:

Բացահայտվել է Իրանից Հայաստան մաքսանենգ եղանակով առանձնապես խոշոր չափերով տարբեր թմրամիջոցների տեղափոխման դեպք

ՀՀ քննչական կոմիտեի Սյունիքի մարզային քննչական վարչության Սիսիանի քննչական բաժնում քննվող քրեական վարույթի շրջանակներում իրականացվում են քննչական և վարութային գործողություններ՝ ԻԻՀ-ից ՀՀ մաքսանենգ եղանակով ներկրված թմրամիջոցների ապօրինի շրջանառության դեպքի բոլոր հանգամանքները պարզելու ուղղությամբ:

Այս մասին հայտնում են Քննչական կոմիտեից։

Դեպքի առթիվ ՀՀ քրեական օրենսգրքի 342-րդ հոդվածի 1-ին մասով, 393-րդ հոդվածի 3-րդ մասի 2-րդ կետով և 399-րդ հոդվածի 3-րդ մասի 2-րդ կետով նախաձեռնվել է քրեական վարույթ: Հիշյալ երեք տղամարդիկ ձերբակալվել են՝ հանցանք կատարած լինելու անմիջականորեն ծագած հիմնավոր կասկածի հիման վրա:

Նախաքննության ընթացքում, Արմավիրի բնակչի կողմից վարած «Opel Astra 1.6» մակնիշի ավտոմեքենայում կատարված խուզարկության արդյունքում հայտնաբերվել և վերցվել է ընդհանուր 22.31 կգ «Մարիխուանա», 237,84գ քաշով «Մեթամֆետամին»,0,985կգ քաշով «Կանեփի» տեսակի թմրամիջոցների նմանվող զանգվածներ, 0,69գ քաշով «Bs» գրառմամբ սպիտակ դեղահաբ, 2 ապակյա խողովակ:

Նշանակված դատանյութագիտական փորձաքննության եզրակացության համաձայն՝ 237,47 գրամ ընդհանուր համաքաշով թափանցիկ պոլիէթիլենային փաթեթում առկա սպիտակ գույնի փոշեբյուրեղային զանգվածը հանդիսանում է «Մեթամֆետամին», իսկ 981,43 գրամ ընդհանուր համաքաշով թափանցիկ պոլիէթիլենային փաթեթում առկա դարչնագույն, յուրահատուկ հոտով, բուսական զանգվածը՝ «Հաշիշ» տեսակի թմրամիջոց: Ներկայացված մնացած փաթեթներում առկա զանգվածների վերաբերյալ հետազոտությունը շարունակվում է: