Պապուա-Նոր Գվինեայի իշխանություններն ամերիկացի գիտնականներին մեղադրել են հազվագյուտ նմուշները գողանալու մեջ

Ամերիկացի հետազոտողներն ակոսում են ծովի խորքերը՝ այլմոլորակային կյանքի նշաններ որոնելով, եւ դա կարող է անօրինական համարվել, գրել է news.am-ը։

Հետազոտողների խումբը՝ Հարվարդի համալսարանի գիտնական, ֆիզիկոս-տեսաբան Ավի Լոեբի գլխավորությամբ, որը հայտնի է նրանով, որ հավատացած է, որ Երկիր է այցելել խելամիտ վերերկրային կյանք եւ այս իմաստով մեծ տեղ է հատկացնում Օումուամուային, զբաղվել է օվկիանոսի հատակին միջաստղային մետեոր 1-ի (IM1) որոնմամբ, որն ընկել է Երկրի վրա 2014թ.։

Այդ մետեորը կոշտ անոմալիա էր եւ ուներ մեծ արագություն։ Նա եւ իր նախորդը՝ միջաստղային մետեոր 2-ն (IM2), որն ընկել էր 2017թ., թռել են 110 000 մղոն/ժամ արագությամբ։ Դա մետեորների համար շատ մեծ արագություն է, քանի որ դրանք սովորաբար Երկրի մթնոլորտ են թռչում 25 000-160 000 մղոն/ժամ արագությամբ։

Այդ արագությունն է Լոեբին եւ նրա ասպիրանտներից մեկին բերել այն եզրահանգման, որ մետեորները եկել են ոչ Արեգակնային համակարգի սահմաններից, եւ այդ եզրահանգումը աջակցվել է ԱՄՆ Տիեզերական հրամանատարության կողմից, տեղեկացրել է Vice-ը։ Բայց Լոեբը եւ նրա թիմը ավելի հեռուն են գնացել՝ առաջադրելով այն գաղափարը, որ մետեորները այլմոլորակային տեխնոլոգիաների մնացորդներ են։

Հետազոտողների թիմը ուսումնասիրում է ծովի հատակն այն տեղում, որտեղ ընկել է IM1-ը, եւ հավաքում է բոլոր մնացորդները։ Բոլորովին վերջերս նրանք հայտնաբերեցին շատ հետաքրքիր մի բան՝ մետաղական սֆերուլաներ։

Լոեբի խոսքով՝ այդ սֆերուլաները գերազանցապես բաղկացած են երկաթից, ունեն քիչ քանակությամբ տիտան եւ մագնիում։ Հատկանշական է, որ վաղ ուսումնասիրությունում նիկել չի հայտնաբերվել։

Չնայած այդ սֆերուլաների ծագումը առայժմ անհայտ է, դրանք մետեորիտի նշաններ են, գոյանում են ընկած օբյեկտի բեկորներից եւ սովորաբար միկրոմետրից մինչեւ միլիմետր չափեր ունեն։

Սակայն պարզվել է, որ այդ հետազոտությունները կարող էին այնքան էլ օրինական չլինել։

Ինչպես տեղեկացրել է The Times բրիտանական թերթը, Պապուա-Նոր Գվինեայի կառավարությունը մեղադրում է Լոեբի թիմին արտեֆակտների թալանի մեջ, որոնք հավաքվել են արշավի ընթացքում։ Երկրի ազգային հետազոտական գործակալությունը հավաստիացրել է, որ թիմը թույլտվություն չի ստացել ստորջրյա գիատական հետազոտությունների համար եւ երկիր է եկել բիզնես-վիզաներով, այլ ոչ թե գիտական հետազոտությունների համար նախատեսված վիզաներով։ Պապուա-Նոր Գվինեայի գլխավոր միգրացիոն տեսուչ Ստանիս Հուլահաուն անգամ հայտարարել է, որ թիմին կարող է սպառնալ քրեական պատիժ՝ «հազվագյուտ իրեր վերցնելու մասին պետական մարմիններին չծանուցելու» պատճառով։

Ռոբ Մաքկալումը, որն արշավի ղեկավարն է (Լոեբը գլխավորում է հետազոտական խումբը), հավաստիացրել է, որ թույլտվություն չի ստացվել Պապուա-Նոր Գվինեայի կառավարությունից, բայց, The Times-ի տեղեկացմամբ, կառավարության երկու անդամ հայտարարել են, որ ոչինչ չեն լսել այդ թույլտվության մասին։