Չինաստանում ձերբակալված մարդասպանը կնոջը խորհուրդ է տվել ամուսնանալ

Ավելի քան 30 տարի ոստիկանությունից թաքնվելով՝ չինացի մարդասպանը կնոջը խորհուրդ է տվել նոր կողակից գտնել: Shantnews.am-ի փոխանցմամբ՝ այս մասին հայտնում է South China Morning Post-ը։

Չժոու անունով տղամարդը երեք հանցակիցների հետ 1993 թվականին Հուբեյ նահանգում խլել է մի տղամարդու կյանք։ Շուտով Չժոուի հանցակիցները հայտնաբերվել են, բայց ինքը երեք տասնամյակ փախուստի մեջ է եղել։ Միայն հունիսի վերջին ոստիկանությունը վերջապես գտավ և ձերբակալեց նրան Գուանչժոու քաղաքում։

Չինական Weibo սոցիալական ցանցում շրջանառվող տեսանյութում երեւում է, թե ինչպես են ոստիկանները հանցագործի հետ գնացք նստում Հուբեյ նահանգում, որտեղ նրան դատելու են։ Կինը գրկում է ձերբակալված ամուսնուն ու լացում. Այս պահին մարդասպանն ինքն է ամուսնալուծության հետ կապված հստակ ցուցումներ տալիս կնոջ քրոջը և ասում, որ իր կինը պետք է ամուսնանա այլ տղամարդու հետ։

«Ամուսնալուծության փաստաթղթերն այնտեղ են, խնդրեք ձեր քրոջը ստորագրել դրանք: Դուք պետք է համոզեք նրան նորից ամուսնանալ և չսպասի ինձ։ Ես բանտից դուրս չեմ գա»,- ասել է նա:

Նրա կինը, արցունքների մեջ, բղավում է. «Ես համաձայն չեմ». Երբ Չժուն կրկնում է, որ իրեն չպետք է սպասի, կինը ձեռքով փակում է նրա բերանը և թափահարում գլուխը։

Ավելի ուշ տեղի լրատվամիջոցներին տված հարցազրույցում Չժուն խոստովանել է, որ զղջում է իր արածի համար։ Նա ասել է, որ զղջացել է և հատկապես նեղսրտել է, որ այս տարիների ընթացքում չի տեսել ծնողներին և չի կարող վերջին հարգանքը մատուցել նրանց։

«Երիտասարդ ժամանակ ես վատ բան եմ արել, չպետք է դա անեի այդ մարդու հետ», – ասել է հանցագործը: