Մեր պլանն աշխատեց. Եղիշե Մելիքյան

Երևանի «Փյունիկ»-ի գլխավոր մարզիչ Եղիշե Մելիքյանի կածիքով Կոնֆերենցիաների լիգայի առաջին փուլի անդրանիկ խաղում իր թիմին հաջողվեց կյանքի կոչել մտածված պլանը:

«Հաճելի էր եվրոպական մրցաշարում առաջին խաղը հաղթանակով ավարտել: Մեր պլանը, որը մենք պատրաստել էինք այս խաղի համար, աշխատեց: Դեպի դարպասը 26 հարված ենք կատարել և միայն երկու գնդակ խփել` սա չի բավարարում: Բայց արդարացումն այն է, որ պաշտոնական առաջին խաղն է: Խաղը զգալով` մենք կարող ենք այդ հարցերին էլ լուծում տալ»,-«Արմենպրես»-ի հաղորդմամբ` հետխաղյա մամուլի ասուլիս ժամանակ ասաց Մելիքյանը:

Մասնագետի խոսքով` «Փյունիկ»-ին հաջողվել է լուծել գրոհների հետ կապված խնդիրը և թիմի ֆուտբոլիստների մոտ ստացվում էր թիմային համագործակցությունը:

«Մեզ հեշտ հանդիպում չի սպասվում արտագնա խաղում: Չենք հանգստանում, այլ առավել հավաքված պետք է գործենք: Այս հաղթանակը պետք է մոռանանք ու պատրաստվենք հաջորդ խաղին»,-ասաց նա:

Ֆուտբոլի Կոնֆերենցիաների լիգայի որակավորման առաջին փուլի շրջանակներում «Փյունիկ»-ը ընդունելով «Նարվա Տրանս»-ին և առավելության հասավ 2:0 հաշվով: Թիմերի մյուս խաղը կկայանա մեկ շաբաթից: