на Русском
Կրճատում եմ ծառայողական ավտոմեքենաների թիվը, ... 
Մեր չքնաղ հայրենիքը տարվա տարբեր եղանակներին.... 
Լարվել են Կարեն Անդրեասյանի եւ Վճռաբեկի նախագահի հարաբերությունները․ «Հրապարակ»
«Հրապարակ օրաթերթը» գրում է․ Մեր տեղեկություններով, վերջերս լարվել են ԲԴԽ նախագահ Կարեն Անդրեասյանի եւ Վճռաբեկ դատարանի նախագահ Լիլիթ Թադեւոսյանի հարաբերությունները։ Անդրեասյանը, ով դատական համակարգը որոշել է ամբողջությամբ կառավարել, Թադեւոսյանին զգուշացրել է, որ պիտի կապը խզի արտաքին աշխարհի հետ` իրավապահ եւ պետական մյուս մարմինների հետ չպետք է կոնտակտի մեջ մտնի՝ քրեական խնդրահարույց գործերի հետ կապված: Որ բոլոր կոնտակտները պետք է իրականացվեն իր միջոցով: Նա էլ պետք է բոլորին ասի` ճշտեք, դիմեք Անդրեասյանին՝ լինի դա կառավարություն, դատախազություն, թե այլ մարմին։ Թադեւոսյանի եւ Անդրեասյանի միջեւ լարվածության մասին տեղյակ են նաեւ իրավապահ համակարգի մյուս դերակատարները։
Մեզ պատմեցին, որ օրերս գլխավոր դատախազ Աննա Վարդապետյանն է այցելել վճռաբեկ` մոտ երկու ժամ առանձնազրույց է ունեցել Թադեւոսյանի հետ: Դրանով մեսիջ ուղղելով Անդրեասյանին, որ ինքը չի կարող թելադրել գլխավոր դատախազին:
Առավել մանրամասն՝ թերթի այսօրվա համարում:
