Հետազոտություն. Դեռ չծնված երեխաներն օգտագործում են հոր «ագահ» գենը, որ ստիպեն մորն ավելի շատ սնունդ տալ

Չծնված երեխաները օգտագործում են «ագահ» գենը, որը ժառանգել են իրենց հորից, որպեսզի հեռակա կարգով վերահսկեն մորը՝ ստիպելով նրան լրացուցիչ սնունդ տալ, ասվում է Cell Metabolism ամսագրում հրապարակված նոր հետազոտության մեջ:

Քեմբրիջի համալսարանի գիտնականները պարզել են, որ պտուղը վերահսկում է մոր նյութափոխանակությունը, հետեւաբար նրանց միջեւ տեղի է ունենում պրանը սեփական կողմը ձգելու յուրատեսակ գործընթաց:

Մոր օրգանիզմը ցանկանում է, որ երեխան գոյատևի, բայց նաև պետք է բավարար չափով գլյուկոզա և մարմնի ճարպ պահպանի իր առողջության համար, որպեսզի կարողանա ծնել երեխային, կրծքով կերակրել և նորից վերարտադրել:

Նոր հետազոտության մեջ ուսումնասիրել են, թե ինչպես է պլասենտան փոխազդում մոր հետ հորմոնների արտազատման միջոցով, որպեսզի նա կարողանա հարմարվել իր երեխայի աճին:

Հղի մկների մոտ գիտնականները ընտրողաբար փոփոխել են պլասենցայի ազդանշանային բջիջները, որոնք մորն ասում են սննդանյութեր արտազատել զարգացող պտղի համար:

Մասնագետների կարծիքով՝ երեխայի գեները, որոնք վերահսկվում են հոր կողմից, նպաստում են պտղի աճին, իսկ մոր կողմից վերահսկվող գեները սահմանափակում են նրա աճը։

Հետազոտության ընթացքում գիտնականները հեռացրել են կարևոր Igf2 գենի արտահայտությունը, որը պարունակում է «ինսուլինանման աճի գործոն 2» կոչվող սպիտակուցի ստեղծման հրահանգներ։

Ինչպես ինսուլին հորմոնը, որը պատասխանատու է արյան մեջ գլյուկոզայի մակարդակի արտադրության և վերահսկման համար, այս գենը նպաստում է պտղի աճին և առանցքային դեր է խաղում հյուսվածքների, ներառյալ պլասենցայի, լյարդի և ուղեղի զարգացման մեջ:

Աղբյուրը՝  news.am