Մոդրիչը կարող է տեղափոխվել սաուդյան ակումբ

Մադրիդի «Ռեալի» խորվաթ կիսապաշտպան 37-ամյա Լուկա Մոդրիչը, ամենայն հավանականությամբ, հաջորդ ամառ կմիանա Սաուդյան Արաբիայից որևէ ակումբի: «Սերուցքայինների» ղեկավարությունը հենց այդպիսի տարբերակ է ակնկալում ապագա ֆուտբոլիստի համար։

ArmSport.am-ի փոխանցմամբ՝ այս մասին հայտնում է Football Espana-ն։

Աղբյուրի համաձայն՝ Լուկան արդեն համաձայնել է հաջորդ ամառ մեկնել Սաուդյան Արաբիա, երբ նրա պայմանագիրը ավարտվի։ Սա նաև համընկնում է այն տեղեկությունների հետ, որ նա Արդա Գյուլերին առաջարկել է իր 10 համարի մարզաշապիկը 2024 թվականին իր վերջնական հեռանալուց հետո:

Հիշեցնենք, որ ավելի վաղ հաղորդվում էր, որ 37-ամյա խորվաթը մերժել է «Ալ-Նասրի» առաջարկը, քանի որ ցանկանում է խաղալ և պայքարել իր կյանքի ակումբի համար։ Մոդրիչի նոր պայմանագիրը «Ռեալի» հետ նախատեսված է մինչև հաջորդ մրցաշրջանի ավարտը։

Լուկան «սերուցքայինների» կազմում հանդես է գալիս 2012 թվականից։ Նախորդ մրցաշրջանում Մոդրիչը բոլոր մրցաշարերում անցկացրած 52 խաղում դարձել է 6 գոլի և 6 գոլային փոխանցման հեղինակ: