ԱՄՆ-ում մայրը 8 տարի որդուն որպես եղբորորդի է ներկայացրել

ԱՄՆ-ի Տեխաս նահանգից երիտասարդ Ռուդոլֆ Ֆարիասը, ով անհետ կորել էր ութ տարի և հայտնաբերվել երկուշաբթի օրը, այլևս չի ցանկանում շփվել մոր հետ, հայտնում է News.am-ը։

Հինգշաբթի հեռուստաալիքը հայտնել է, որ Ֆարիասն իրականում չի անհետացել, այս ամբողջ ընթացքում նա տանը եղել է մոր հետ։ Ոստիկանությունն ավելի վաղ հայտնել էր, որ կորած տղայի մայրն, իբր, նրան ներկայացրել է եղբորորդի, այլ ոչ թե որդի։

Տեխասի անհայտ կորածների կենտրոնը երկուշաբթի հայտնել էր, որ Ռուդոլֆ «Ռուդի» Ֆարիաս IV-ը, ով նահանգում անհետացել էր 2015 թվականին՝ շների հետ զբոսանքի ժամանակ, ութ տարի անց հայտնաբերվել է։ Հաղորդվել էր, որ երիտասարդին, ով արդեն 25 տարեկան է, գտել են եկեղեցու մոտ՝ անգիտակից վիճակում՝ կապտուկներով ու կտրվածքներով։ Միևնույն ժամանակ, նրա հետ կատարվածը մնում է անհասկանալի, քանի որ հայտնաբերումից հետո Ֆարիասը ընդամենը մի քանի բառ է արտասանել։

Հյուսթոնի ոստիկանությունը հինգշաբթի օրը հայտնել է, որ Ֆարիասը, փաստորեն, «ութ տարի անհայտ կորած չի եղել»: Ոստիկանության տվյալներով՝ 2015 թվականի մարտի 7-ին նա անհետ կորել է, սակայն նա տուն է վերադարձել հենց հաջորդ օրը։ Այս ընթացքում, ինչպես նշում են ոստիկանությունից, երիտասարդը մի քանի անգամ նույնիսկ ոստիկանների հետ է խոսել, բայց ամեն անգամ կեղծ անուններով։

«Հրաշալի էր։ Մենք գրկախառնվեցինք այնքան ժամանակ, մինչև վերջապես բաց թողեցի նրան։ Նա մի փոքր նիհար է... Նա լավ է իրեն զգում, բայց նա պլանավորում է հեռու մնալ մորից»,- երիտասարդի մորաքրոջ՝ Պոլինա Սանչեսի խոսքերն է մեջբերում հեռուստաալիքը։