Fiat-ը նոր կյանք է տվել Topolino մոդելին

Fiat-ը նոր կյանք է տվել Topolino մոդելին, այն այժմ քաղաքային հարմարավետ էլեկտրամեքենա է՝ ներկառուցված ոչ մեծ ցնցուղով, որը պետք կգա լողափ գնալիս։

2,53 մետր երկարություն ունեցող մեքենան ունի մարտկոց, որն ապահովում է 75 կիլոմետր ընթացք։ Լիակատար լիցքավորման ժամանակը հազիվ 4 ժամ է։ Մեքենայի առավելագույն արագությունը սահմանափակված է՝ 45 կմ/ժամ, եւ մի շարք երկրներում նման տեխնիկայով թույլատրվում է մեքենան վարել 14 տարեկաններին։ Նոր Topolino-ն իրավաբանորեն էլեկտրական քվադրոցիկլ է։

Topolino-ն թափքի երկու տեսակ ունի՝ փակ եւ բաց։ Նրա համար նախատեսված են նաեւ ինքնատիպ աքսեսուարներ, ներառյալ ցնցուղը, որից կարելի է օգտվել լողափին։ Փակ թափքով մեքենան կարելի է զարդարել փայտանման բաղադրիչներով, Topolino Dolcevita բաց մոդիֆիկացիայի համար նախատեսված են սահմանափակող գոտիներ դռների եւ գլանավարագույր տանիքի փոխարեն։

Աղբյուրը՝ news.am