Քսենյա Սոբչակը Կանդելակիի հետ «պատերազմի» ընթացքում շրջադարձային հայտարարություն է արել

Երկու հայտնի հեռուստահաղորդավարուհիներ Թինա Կանդելակիի և Քսենյա Սոբչակի միջև վեճը շարունակվում է մի քանի տարի: Անցյալ շաբաթ շիկահեր և սևահեր աստղերը սկանդալի կենտրոնում են հայտնվել: Քսենյան պատմել է, որ Թինան Դուբայ է մեկնել Ռամզան Կադիրովի ուղեկցությամբ:

Կանդելակին իր նախկին ընկերուհուն «ստախոս» է անվանել և նույնիսկ Քսենյային առաջարկել է 500 հազար դոլար, որ նա ապացուցի, որ Թինան ընդհանրապես մեկնել է Դուբայ: Շիկահերը, սակայն, ծիծաղել է.«Իրականում, երբեմն լինում են այնպիսի խեղճ մարդիկ, ովքեր կյանքում փողից բացի ուրիշ ոչինչ չունեն: Այնպես որ, ձեր 500 հազար  դոլարը Ձեզ պահեք, քանի որ դա այն ամենն է, ինչ Դուք ունեք:)»: Ի պատասխան՝ Կանդելակին, ինչպես ասում են, «չի ալարել», ժամանակագրական կարգով տեղադրել է Քսյուի և նրա սիրեկանի լուսանկարները: Սոբչակը դրանից հետո արել է այն, ինչ նրանից ոչ ոք չէր սպասում: Թինային իր՝ արդեն ամուսնության ժամանակ թույլ տված արկածները հիշեցնելու փոխարեն, Քսյուն... ներողություն է խնդրել:

Ճիշտ է, իրեն հատուկ ծաղրական ոճով՝ «Ինձ համար զզվելի ու գարշելի է»,- գրել է Քսյուն: «Թինատինը կարող է իմ կողակիցների մասին քննարկել որքան ուզում է, բայց ինչպե՞ս կարող եմ իջնել նրա մակարդակին: Ինչպե՞ս չկարողա ինձ զսպել: Թինայի հարգելի երկրպագուներ:

Ես իմ անկեղծ ներողությունն եմ խնդրում իմ վերջին հրապարակման համար: Չնայած այն բանին, որ իմ բոլոր գրածները համապատասխանում են իրականությանը, բայց այդ գրառման փաստը չի գեղեցկացնում ինձ ոչ որպես մարդու, ոչ որպես լրագրողի: Ամենաքիչը կցանկանայի իջնել իմ նախկին կոլեգայի մակարդակին: Ներեցեք, ես տրվեցի պրովոկացիային և կորցրեցի հույզերիս հանդեպ վերահսկողությունը: Այո, ես արհամարհում եմ Թինային, բայց արհամարհում եմ Խոդորկովսկիի դեմ «Письмо 55»-ի համար ու շատ այլ բաների, բայց ոչ նրա անձնական կյանքի համար: Քսյուշայի ներողությունը Կանդելակին դեռ չի ընդունել: Sobesednik-ը գրում է, որ շարունակելու է հետևել այս «մենամարտին»: