Հզոր պայթյուն՝ Չինաստանի քիմիական գործարանում (տեսանյութ)

Չինաստանի կենտրոնական հեռուստատեսությունից (CCTV) հայտնում են, որ Չինաստանի Ցզյանսի նահանգում գտնվող Գույսի քաղաքի Jiangxi Qiantai New Material Co Ltd քիմիական գործարանում հզոր պայթյուն է որոտացել:

Համացանցում հայտնված կադրերում երևում է, որ պայթյունից հետո ծխի հսկայական սև սյուն է բարձրանում երկինք։ Հրշեջները դեռ աշխատում են դեպքի վայրում կրակը մարելու համար։

Լրատվամիջոցների հաղորդմամբ՝ հրդեհի և պայթյունի պատճառը յուղի այրվելն է եղել։ 

Հաղորդվում է՝ գործարանի ամբողջ անձնակազմը տարհանվել է։

Վերջին տվյալներով՝ միջադեպի հետևանքով տուժածներ չկան։ Աշխատանքներ են տարվում հրդեհի ու պայթյունի պատճառները պարզելու համար։