Համացանցում վթարի ենթակված «Տիտան»-ի բեկորներով տեսանյութ է հայտնվել

CBC հեռուստաալիքը լուսանկարներ և տեսանյութեր է հրապարակել, որոնք ցույց են տալիս Ատլանտյան օվկիանոսում պայթած «Տիտան» սուզանավի բեկորները։

Մասնավորապես, կարելի է տեսնել, թե ինչպես է կռունկը սուզանավի կարկասի մնացորդներն իջեցնում գետնին, որտեղ նրանց մոտենում են համազգեստով մարդիկ։ «Կադրերում երեւում է այն ամենը, ինչ մնացել է «Տիտան» սուզանավից, որը պայթել է խորտակված «Տիտանիկի» մոտ»,- ասվում է տեսանյութի վերնագրում։

Ինչպես հիշեցնում է Lenta.ru-ն, ավելի վաղ ողբերգության վայրը լուսանկարվել է տիեզերքից։

Հունիսի 18-ին հինգ մարդ՝ OceanGate-ի գործադիր տնօրեն Սթոքթոն Ռաշը, միլիարդատեր Համիշ Հարդինգը, գործարար և միլիարդատեր Շահզադա Դավուդը և նրա որդի Սուլման Դավուդը, ինչպես նաև ֆրանսիացի հետախույզ Պոլ-Անրի Նարյոլեն «Տիտան» սուզանավով ուղևորվեցին դեպի Ատլանտյան օվկիանոսում խորտակված «Տիտանիկ» նավը։ Հունիսի 22-ին փրկարարները «Տիտանիկի» մոտ հայտնաբերել են սուզանավի հինգ խոշոր բեկորներ։ Դատելով դրանց բնույթից՝ սուզանավի վրա դեպի ներս ուղղված պայթյուն է եղել։ Նրանցից ոչ մեկին չի հաջողվել փրկվել։

Աղբյուրը