Ատլանտյան օվկիանոսում անհետացած «Տիտան» սուզանավի անձնակազմը մահացած է հայտարարվել

OceanGate ընկերությունն Ատլանտյան օվկիանոսում անհետացած «Տիտան» սուզանավի անձնակազմի անդամներին մահացած է համարում, հայտնում է CNN-ը։

«Մենք կարծում ենք, որ մեր գործադիր տնօրեն Սթոքթոն Ռաշը, Շահզադա Դաուդը և նրա որդի Սուլեյման Դաուդը, Հեմիշ Հարդինգը և Փոլ-Անրի Նարգոլեն ցավոք մահացած են»,– ասվում է ընկերության հայտարարության մեջ։

Միևնույն ժամանակ, CNN-ը հայտնում է, որ փորձագետները կարծում են, որ անհետացած «Տիտան» սուզանավի որոնման վայրում հայտնաբերված բեկորները դրա արտաքին կորպուսի մնացորդներն են։ Հրատարակությունը նշում է, որ սուզանավի որոնումները շարունակվում են։

Ընդգծվում է, որ բեկորները հայտնաբերվել են օվկիանոսի հատակում՝ Տիտանիկից մոտ 500 մետր հեռավորության վրա։