Մբապեն Հաքիմիին խնդրել է չխոսել իր պլանների մասին

ՊՍԺ-ի հարձակվող Կիլիան Մբապեն դիմել է իր թիմակից և մտերիմ ընկեր Աշրաֆ Հաքիմիին՝ խնդրելով չպատասխանել ֆրանսիացու ապագայի պլանների մասին հարցերին։

«Ոչինչ մի ասա, որ քեզ հարցնեն, եղբայր։ Դու գիտես այն ամենը, ինչ պետք է իմանալ»,- ArmSport.am-ի փոխանցմամբ՝ Մբապեի խոսքերն է մեջբերում Defensa Central-ը:

ՊՍԺ-ի մարոկացի պաշտպանը վերջերս մտերմացել է Մբապեի հետ և այդ պատճառով գիտի Կիլիանի իրական ցանկություններն ու ծրագրերը նրա մարզական ապագայի վերաբերյալ: Մադրիդի «Ռեալի» նախկին խաղացողն արդեն խոսել է ՊՍԺ-ի լավագույն ռմբարկուի հետ «Սանտյագո Բեռնաբեուում» իր փորձի մասին և նույնիսկ մի քանի անգամ ցույց է տվել նրան Իսպանիայի մայրաքաղաքը:

Հիշեցնենք, որ ավելի վաղ Մբապեն ՊՍԺ-ին գրավոր տեղեկացրել էր, որ չի երկարաձգելու պայմանագիրը մինչև 2025 թվականը։ Այս նամակը հրապարակվել է լրատվամիջոցներում մինչ փարիզյան ակումբի ղեկավարության՝ նամակը ստանալը։ Ֆրանսիացի ֆուտբոլիստն այժմ կարող է հայտնվել այն խաղացողների ցանկում, որոնց ՊՍԺ-ն մտադիր է վաճառել ամառային տրանսֆերային պատուհանի ընթացքում, քանի որ հաջորդ տարի նա կարող է հեռանալ Փարիզից ազատ գործակալի կարգավիճակով:

Իրավիճակից մտադիր է օգտվել Մադրիդի «Ռեալը», որը վաղուց էր ցանկանում ձեռք բերել Մբապեին։ Կիլիանի խնդրանքը Հաքիմիին ունի տրամաբանական բացատրություն՝ Աշրաֆի բերանից դուրս եկած ցանկացած տեղեկություն կարող է ազդել Մբապեի տրանսֆերային բանակցությունների վրա, որը ցանկանում է վերահսկել իրավիճակը: