Շունն օգնել է գտնել Կոլումբիայում ավիավթարից փրկված երեխաներին

Բելգիական հովիվ Ուիլսոնը օգնել է գտնել երեխաներին, ովքեր 40 օր անցկացրել են Կոլումբիայի ջունգլիներում, BluRadio-ին ասել է որոնման մասնակից Կառլոս Վիլեգասը:
Որոնողական աշխատանքներին մասնակցել են մի քանի շներ։ Փրկարարը նշել է, որ որոնողական աշխատանքները դժվարացել են։ Ամեն օր մարդիկ վտանգի տակ էին հայտնվել՝ հանդիպելով տարբեր կենդանիների, թունավոր բույսերի, փրկարարները ոտքից գլուխ անընդհատ թրջվել են։ Բացի դրանից, Կոլումբիայում գործող զինված խմբավորումների անդամների հետ բախվելու վտանգ կար։ Շներին ուղարկել են թավուտ, ուր մարդ չէր կարող գնալ։ Ուիլսոնին ուղարկել են այս վայրերից մեկը՝ կորցնելով տեսադաշտից։ Որոշ ժամանակ անց շունը հայտնվել է մարդկանց առջև 30-40 մետր հեռավորության վրա։

«Այո, նա դարձավ (որոնումների առանցքային ֆիգուրը – խմբ.): Նա նայեց մեզ այնպես, կարծես ուզում էր ինչ-որ բան ասել, իսկ հետո նորից անհետացավ ջունգլիներում», – ասել է Վիլեգասը:

Այսպես, ըստ փրկարարի, Ուիլսոնը որոնողական աշխատանքների մասնակիցներին «ակնարկ» է տվել։ Նախնական տվյալներով՝ շունը գտել է երեխաներին ու որոշ ժամանակ նրանց հետ է եղել։ Բայց երբ փրկարարները գտել են երեխաներին, Ուիլսոնն այլևս նրանց հետ չի եղել: Նա գնացել էր։

Նախօրեին ջունգլիներում ողջ են գտել չորս երեխաների, որոնք մայիսին կործանված Cessna 206 ինքնաթիռի ուղեւորներն էին եւ 40 օր անցկացրել են ջունգլիներում։ Նրանք 13, ինը, չորս և մեկ տարեկան են։ Երեխաներ տեղացի ընտանիքից են:

Cessna 206 ինքնաթիռը, որը թռչում էր Araraquara-ից Սան Խոսե դել Գուավիար, երկրի հարավում գտնվող Կակետա դեպարտամենտում, հաղորդել է շարժիչի խափանումների մասին և ահազանգ է հնչեցրել մայիսի 1-ին: Այն հայտնաբերվել է ավելի քան 370 ժամ որոնումներից հետո։ Օդանավում գտնվել է օդաչուի մարմինը, սակայն վեց ուղևորներ, որոնցից չորսը անչափահասներ են եղել, ինքնաթիռի սրահում կամ մերձակայքում չեն եղել: Ըստ Tiempo-ի՝ հետագայում հայտնաբերված երկու մարմինները պատկանում են երկրորդ օդաչու Հերման Մենդոզային և ուղևոր, չորս երեխաների մայր Մագդալենա Մուկուտուիին, փոխանցում է Shantnews.am-ը։