Հարցը լայն հնչեղություն չստանար, սրան ոչ էլ կձերբակալեին. հենց կրքերը հանդարտվեն, բաց կթողնեն․ Ռուբեն Մելիքյան

Փաստաբան, Արցախի մարդու իրավունքների նախկին պաշտպան Ռուբեն Մելիքյանը ֆեյսբուքի իր էջում տեղադրել է ՔՊ-ական Սուրեն Թորոսյանի տեսանյութը և գրել․

«Սիրելի՛ արցախցիներ, խոսքս ձեզ եմ ուղղում։ Այս նիկոլական պաշտոնյան այն նույն մարդն է, ով երեկ ձերբակալվել է հիվանդ երեխային մահակավ ծեծելու համար։ Իսկ օրեր առաջ դավաճանի թիմակիցն ուղիղ եթերով հպարտանում էր, թե ինչպես է տուն-տեղ կորցրած արցախցի երեխային «թողել չոլերում»։

Հավատացնում եմ ձեզ, Արցախի ու արցախցիների նկատմամբ նույն վերաբերմունքն ունեն [գրեթե] բոլոր քպ-ականները։ Միշտ են ունեցել, ուղղակի քողարկել են, թաքցրել են, ժպտացել են ձեր երեսին։ Ոմանք՝ քչերը, մինչև հիմա էլ քողարկում են, թեև դրա կարիքն արդեն ոչ էլ ունեն։

Ինչու՞ եմ սա գրում։ Մտածում էմ՝ ո՞նց կարելի էր չնկատել։ Ո՞նց կարելի է էսքանից հետո նեյտրալ, էլ չեմ ասում՝ դրական վերաբերվել սրանց «քաղաքական» ուժին (իրականում՝ թշնամական էլիտար ստորաբաժանմանը): Դա նույնն է, ինչ լինել սևամորթ ու կոնֆեդեռատների կազմում պատերազմել Հյուսիսի դեմ։ Դա նույնն է, ինչ լինել հրեա ու վերմախտի կազմում պատերազմել կարմիր բանակի դեմ։

ՀԳ. Չլիներ ժողովրդական «բեսկոմպրոմիս» ճնշումը, հարցը լայն հնչեղություն չստանար, սրան ոչ էլ կձերբակալեին։ Հենց կրքերը հանդարտվեն, բաց կթողնեն։ Պատասխանատվությունից էլ կազատեն՝ «գործուն զղջալու» հիմքով»։

Հիշեցնենք, որ Արագածավանի ՋՕԸ աշխատակիցը ֆեյսբուքյան էջում պատմել է, թե ինչպես է 7-ամյա արցախցուն իջեցրել մեքենայից «չոլերը»՝ նիկոլ Փաշինյանին դավաճան ասելու համար։