Կեսարյան հատում հեռախոսի լույսի տակ՝ Սուդանի պատերազմական գոտում

Սուդանի մայրաքաղաք Խարթումում, բացառությամբ մի քանի հիվանդանոցների, փակվել են ընթացող հակամարտության պատճառով։ Այս իրավիճակը ավելի սթրեսային է դարձնում ծննդաբերությունը ինչպես հղիների, այնպես էլ բուժաշխատողների համար, ովքեր փորձում են օգնել նրանց, հատկապես, եթե վիրահատության կարիք կա:

«Մենք բջջային հեռախոսների լույսերիտակ ենք կեսարյան հատում կատարումշ», – ասել է մանկաբարձ-բժիշկ Հովայդա Ահմեդ ալ-Հասանը BBC-ի տարածած տեսանյութում:

Նա տեսագրել է կադրեր, թե ինչպես են վիրահատում ապագա մորը։

Բժիշկները՝ բոլոր կանայք, շրջապատում են բժիշկ Հասանին և միացնում են իրենց հեռախոսները՝ լուսավորելու այն հատվածը, որտեղ կտրվածք է արվում:

Բժիշկ Հասանն այն մի քանի մանկաբարձներից է, որոնք մնացին Ալբան Ջադիդի հիվանդանոցում, Սուդանի մայրաքաղաք Խարթումի հյուսիսում,այն բանից հետո, երբ երեք շաբաթ անընդմեջ ռազմական խմբավորումների միջև ծանր մարտեր էին ընթանում: 

«Իրավիճակն իսկապես վատ է: Մենք օրերով մնացել ենք հիվանդանոցում: Մենք ամբողջովին կորցրել ենք ժամանակի զգացողությունը: Մենք չգիտենք՝ ցերեկ է, թե գիշեր», – Shantnews.am-ի փոխանցմամբ՝ ասել է բժիշկ Հասանը:

«Հիվանդանոցում մնացել է բժշկական փոքր անձնակազմ, և շատ դեպքերում հոսանքն անջատվում է, և մենք բենզին չունենք գեներատորները գործարկելու համար։
Նա ասել է, որ իր հիվանդանոցի ծննդաբերական բաժանմունքում շատ են կանայք, որոնք շտապ մանկաբարձական խնամքի խիստ կարիք ունեն, որոնցից շատերին ցուցում է տրվել կեսարյան հատման:

«Մենք մեծ ռիսկի ենք դիմել՝ կիսալուսավոր վիրահատարաններում կատարելով այս կեսարյան հատումները, մենք բավարար ռեսուրս չունենք: Մենք ստիպված ենք եղել կանանց դուրս գրել կեսարյան հատումից ընդամենը 10 ժամ հետո»:

ՄԱԿ-ի Բնակչության հիմնադրամի ապրիլին իրականացրած գնհատումներով՝ 219,000 հղի կանայք վտանգի տակ են, քանի որ Խարթումում ծանր մարտեր են ընթացել, որոնք ընդմիջվում են փխրուն և ձախողված հրադադարներով: