Հարբած դեռահասը կամրջից ընկել է ռելսերի վրա և ողջ մնացել

ՌԴ Ռոստովի մարզում դեռահասը վիրավորվել է՝ բարձրությունից ընկնելով ռելսերի վրա։ Mediahub-ի փոխանցմամբ՝ այս մասին հայտնում է Don Mash տելեգրամյան ալիքը։

Ալիքի տվյալներով՝ միջադեպը տեղի է ունեցել մայիսի 31-ի երեկոյան Միլլերովո քաղաքում։ 17-ամյա դեռահասը ընկերների հետ դուրս է եկել զբոսանքի ու հարբել։ Այս մասին իմացել է տղայի հորեղբայրն ու եկել, որ եղբորորդուն տուն տանի։ Երբ տղամարդն ու տղան քայլում էին երկաթուղու գծերի վրա գտնվող կամրջով, վերջինիս ինքնազգացողությունը վատացել է։ Նա հենվել է կամրջի բազրիքին ու ընկել։ Դեռահասը գլխի, քթի, կրծքավանդակի և ոտքի վնասվածքներով հոսպիտալացվել է վերակենդանացման բաժանմունք։ Նրա վիճակի մասին տեղեկություններ չկան։