Հնդկաստանում ավտոբուսն ընկել է կիրճը. կան տասնյակ զոհեր և վիրավորներ

Հնդկաստանի հյուսիսում ավտոբուսն ընկել է կիրճը, ինչի հետևանքով առնվազն 10 մարդ է զոհվել, 55-ը՝ վիրավորվել։ Shantnews.am-ի փոխանցմամբ՝ այս մասին երեքշաբթի հայտնել է ANI գործակալությունը։

Ավտոբուսը տեղափոխում էր ուխտավորներ Ամրիտսարից դեպի Կատրա՝ Ջամուի և Քաշմիրի արհմիության տարածք: Վերջնական նպատակակետից մոտ 15 կիլոմետր հեռավորության վրա այն ընկել է ձորը։

Ոստիկանությունը հայտնել է, որ ավտոբուսում եղել է առնվազն 65 մարդ:

«Ուղևորների թիվը գերազանցել է թույլատրելի բեռը, այս փաստը կստուգվի հետաքննության ընթացքում»,- գործակալությունը մեջբերում է ոստիկանության ներկայացուցիչ Չանդան Կոլիի խոսքերը։

Նա հավելել է, որ փրկարարական աշխատանքները գրեթե ավարտված են։