Հրդեհ է բռնկվել Նոյեմբերյանի «Կարմիր գյուղ» կոչվող հանդամասի տներից մեկում

Մայիսի 28-ին՝ ժամը 08:33-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Նոյեմբերյան քաղաքի «Կարմիր գյուղ» կոչվող հանդամասում գտնվող տներից մեկում:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է Ջուջևան գյուղի հարակից հանդամասում գտնվող բնակելի տանը:

Հրդեհը մեկուսացվել է ժամը 11:14-ին, մարվել՝ 11:26-ին: Այրվել է տան ներսում գտնվող գույքը (մոտ 80 քմ) և տանիքի փայտե կառուցատարրերը՝ մասամբ (մոտ 40 քմ):

Փրկարարների կողմից կանխվել է հրդեհի տարածումը դեպի հարևան շինություն։